Read Bibliya Yera 1951 Zaburi 136 Bible Online

Zaburi 136 - Bibliya Yera 1951 bible

Zaburi 136

¹Ni mushimire Uhoraho yukw ari mwiza: Kukw imbabazi ziwe zamah’ ibihe bidashira.

²Ni mushime Imana isumba ivyitwa imana, Kukw imbabazi zayo zamah’ ibihe bidashira.

³Ni mushime Umwami w’ abami, Kukw imbabazi ziwe zamah’ ibihe bidashira.

⁴Ni mushime īkora ibitangaza bikomeye yonyene, Kukw imbabazi zayo zamah’ ibihe bidashira.

⁵Ni mushime iyaremesheje ijuru ubgenge, Kukw imbabazi zayo zamah’ ibihe bidashira.

⁶Ni mushime iyagaranzuye isi hejuru y’amazi, Kukw imbabazi zayo zamah’ ibihe bidashira.

⁷Ni mushime iyaremye ibibonesha bikuru, Kukw imbabazi zayo zamah’ ibihe bidashira.

⁸Yaremye izuba ngo riganze umurango, Kukw imbabazi zayo zamah’ ibihe bidashira;

⁹Yaremye ukwezi n’inyenyeri ngo biganze ijoro, Kukw imbabazi zayo zamah’ ibihe bidashira.

¹⁰Ni mushime iyaririkiye Abanyegiputa abana babo b’ imfura, Kukw imbabazi zayo zamah’ ibihe bidashira;

¹¹Igakūra Abisirayeli hagati yabo, Kukw imbabazi zayo zamah’ ibihe bidashira;

¹²Ibakūjey’ ikiganza gikomeye n’ukuboko kurāmvuye: Kukw imbabazi zayo zamah’ ibihe bidashira.

¹³Ni mushime iyatandukanije Ikiyaga Gitukura, Kukw imbabazi zayo zamah’ ibihe bidashira;

¹⁴Igacisha Abisirayeli hagati yaco, Kukw imbabazi zayo zamah’ ibihe bidashira;

¹⁵Arikw igakunkumurira Farawo n’ingabo ziwe mu Kiyaga Gitukura, Kukw imbabazi zayo zamah’ ibihe bidashira.

¹⁶Ni mushime iyarōngōye abantu bayo mu bugaragwa, Kukw imbabazi zayo zamah’ ibihe bidashira.

¹⁷Ni mushime iyariritse abami bahambaye, Kukw imbabazi zayo zamah’ ibihe bidashira;

¹⁸Ikica abami bābaye ba rurangiranwa, Kukw imbabazi zayo zamah’ ibihe bidashira;

¹⁹Yica Sihoni, umwami w’ Abamori, Kukw imbabazi zayo zamah’ ibihe bidashira;

²⁰Yica na Ogi, umwami w’i Bashani, Kukw imbabazi zayo zamah’ ibihe bidashira;

²¹Igaba ibihugu vyabo ngo bibe umwandu, Kukw imbabazi zayo zamah’ ibihe bidashira;

²²Mbere ngo bibe umwandu w’Abisirayeli, abasavyi bayo, Kukw imbabazi zayo zamah’ ibihe bidashira.

²³Yaratwibutse aho twāri mu bufafara, Kukw imbabazi zayo zamah’ ibihe bidashira;

²⁴Idukiza abarwanizi bacu, Kukw imbabazi zayo zamah’ ibihe bidashira.

²⁵Igaburira ibifise imibiri vyose, Kukw imbabazi zayo zamah’ ibihe bidashira.

²⁶Ni mushime Imana yo mw ijuru, Kukw imbabazi zayo zamah’ ibihe bidashira.