Read Bibliya Yera 1951 Zaburi 138 Bible Online

Zaburi 138 - Bibliya Yera 1951 bible

Zaburi 138

¹Zaburi ya Dawidi. Ndagushimisha umutima wose; Ndakuririmbira ishimwe imbere y’ivyitwa imana.

²Ndasenga ntumbereye urusengero rwawe rwera, Nshimira izina ryawe imbabazi zawe n’ukuri kwawe: Kuko washize hejuru ijambo ryawe n’izina ryawe Kubirutisha ibindi vyose.

³Umusi nagutakambiyeko waranyishuye, Undemeshesha gusubiza intege mu mutima wanje.

⁴Uhoraho, abami bo mw isi bose bazogushima, Kuko bumvise amajambo yo mu kanwa kawe.

⁵Mbere bazoririmba inzira z’ Uhoraho, Kukw icubahiro c’Uhoraho ar’ agahambaye.

⁶Kuko nah’ Uhoraho ahambaye, ashira umutima ku bafafara, Arikw abībone abamenyera kure.

⁷Naho ngendera hagati y’ amarushwa, uzonzigama; Uzorāmvurira ukuboko kwawe kurwanya uburake bg’ abansi banje, Ukuboko kwawe kw’i buryo kuzonkiza.

⁸Ivyanje, Uhoraho ni we azobishitsa: Uhoraho we, imbabazi zawe zamah’ ibihe bidashira; Ntuhebe ibikorwa vy’amaboko yawe.