Read Bibliya Yera 1951 Zaburi 140 Bible Online

Zaburi 140 - Bibliya Yera 1951 bible

Zaburi 140

¹Iyi Zaburi yahawe umukuru w’abaririmvyi: n’iya Dawidi. Uhoraho, nkiza abanyakibi: Undinde abantu b’ibirara.

²Biyumvira ivy’ inzigo mu mitima yabo, Na ntaryo bandurutsa intambara.

³Basongoye indimi zabo nk’ inzoka; Ubumara bg’imvuvyi buri mu binyigishi vyabo. Sela .

⁴Uhoraho, nkiza amaboko y’ abanyakibi, Undinde abantu b’ibirara: Bagabiye kuraririza ibirenge vyanje.

⁵Abībone banteze umutego n’ igitsiburira; Banteze ururiba i ruhande y’inzira; Banteze ibigāmo.[22] Sela .

⁶Nabgiye Uhoraho, nti Ni wewe Mana yanje: Tega ugutwi ijwi ry’ukwinginga kwanje, Uhoraho we.

⁷Uhoraho, Bgirukiro we, nkomezi z’agakiza kanje, Ni wewe ukīngira umutwe wanje ku musi w’intambara.

⁸Uhoraho we, ntiwemerere umunyakibi ivyo yifuza; Ntiwūngānire imigabo yiwe mibi, ngo boye kwishira hejuru. Sela .

⁹Ukugira nabi kwo mu kanwa kw’abantaye hagati Ni kubasubire ku mitwe, kubatwikire.

¹⁰Amakara yaka abagweko, Batābge mu muriro; Bakororerwe mu vyobo birebire, ngo boye gusubira kuvyuka ukundi.

¹¹Sakirimikibi ntazokomezwa mu gihugu: Ibibi bizohama umuntu w’ ikirara kugira ngo bimuhenebereze.

¹²Ndazi yuk’ Uhoraho azohagarikira impahazwa mu mibūrano, N’umukene azomuhagarikira mu manza.

¹³N’ukuri abagororotsi bazoshima izina ryawe: Abatunganye bazoba imbere y’inyonga zawe.