Read Bibliya Yera 1951 Zaburi 147 Bible Online

Zaburi 147 - Bibliya Yera 1951 bible

Zaburi 147

¹Haleluya, Kukw ari vyiza kuririmbira Imana yacu ishimwe; Biraryoshe, kandi gushima kurakwiye!

²Uhoraho ni we yubaka Yerusalemu; Akoraniriza hamwe abāri bārasābagijwe bo mu Bisirayeli.

³Akiza abafise imitima imenetse, Apfuka inguma zabo.

⁴Aharūra inyenyeri uko zingana, Zose azita amazina yazo.

⁵Umwami wacu arahambaye, n’umunyenkomezi nyinshi; Ubgenge bgiwe n’akaburarugero.

⁶Uhoraho aramira abaciye bugufi: Acisha abanyakibi bugufi, akabashitsa hasi.

⁷Muririmbire Uhoraho mumukengurukira, Muririmbire Imana yacu ishimwe muvugira inanga.

⁸Yorosa ijuru ibicu, Itegura imvura ngw igwe kw isi, Imeza ubgatsi ku misozi.

⁹Igaburira ibitungano ivyo kurya vyavyo, N’ivyana vy’ibikōna vyayagura.

¹⁰Inkomezi z’ifarasi si zo ziyihimbara, Amaguru y’umuntu si yo inezererwa.

¹¹Uhoraho anezererwa abamwubaha, Anezererwa abitega imbabazi ziwe.

¹²Yerusalemu, n’ushime Uhoraho; Siyoni, n’ushime Imana yawe.

¹³Kuko yakomeje imyugariro y’ ibirimba vyawe; Yahezagiye abana bawe baba muri wewe.

¹⁴Igihugu cawe agiha impore, Aguhāza ingano zisētse neza.

¹⁵Arungika icagezwe ciwe mw isi; Ijambo ryiwe ryiruka vuba cane.

¹⁶Atanga shelegi[24] nk’ubgoya bg’ intama; Asanzaza urume rw’igikonyozi nk’umunyota.

¹⁷Amija urubura rwiwe nk’ imvunguka: Ni nde yobasha kwihanga imbeho yiwe?

¹⁸Arungika ijambo ryiwe, akabiyagisha; Ahehereza umuyaga wiwe, amazi agasubira gutemba.

¹⁹Amenyesha aba Yakobo ijambo ryiwe, Amenyesha Abisirayeli ivyo yashinze, bo n’imanza ziwe.

²⁰Nta rindi hanga yagiriye artyo: Mbere n’imanza ziwe ntibāzimenye. Haleluya!