Read Bibliya Yera 1951 Zaburi 16 Bible Online

Zaburi 16 - Bibliya Yera 1951 bible

Zaburi 16

¹Mikitamu ya Dawidi. Mana unzigame: kukw ari wewe mpungiyeko.

²Nabariye Uhoraho, nti Ni wewe Mwami wanje, Nta mugisha mfise atari wewe.

³Abera bo mw isi Ni bo ntōre nnezererwa bonyene.

⁴Amagorwa y’abakāba Uhoraho iyindi mana azogwira, Ibimazi vyazo vy’amaraso sinzobihereza ngo ndabisuke, Kand’ amazina yazo sinzoyavugisha iminwa yanje.

⁵Uhoraho ni we mugabane w’umwandu wanje n’uw’ igikombe canje, Ni wewe ukomeza umugabane wanje.

⁶Ubupfindo bgankubitiye amabango ahantu heza, Ni koko, mfise umwandu mwiza.

⁷Ndahimbaza Uhoraho, umujanama wanje; Ni koko, umushaha wanje umpanūra mu bihe vy’ ijoro.

⁸ Nashize Uhoraho imbere yanje imisi yose; Kukw ar’ i buryo bganje sinzonyiganyizwa.

⁹Ni co gituma umutima wanje uhimbarwa, ubgiza bganje bukanezerwa, Kandi n’umubiri wanje uzoba ahatagira inkomanzi.

¹⁰Kuk’ utazoreka ubugingo bganje ngo buje i kuzimu, Kandi ntuzokundira Uwera wawe ngw az’ abore.

¹¹Uzondangira inzira y’ubugingo: Mu nyonga hawe ni ho har’ akanyamuneza kuzuye; Mu kuboko kwawe kw’i buryo hahora ibihimbaye ibihe bidashira.