Read Bibliya Yera 1951 Zaburi 17 Bible Online

Zaburi 17 - Bibliya Yera 1951 bible

Zaburi 17

¹Isengesho rya Dawidi. Uhoraho we, umviriza ivy’ ukuri vyanje, bangira ugutwi ugutakamba kwanje, Tegera ugutwi ugusenga kwanje, kutava mu minwa iryarya.

²Urubanza rwanje ni ruve imbere yawe, Inyonga zawe ni zirābe ibibereye.

³Wagerageje umutima wanje, wangendeye mw ijoro; Waransuzumye, ntiwambonamw’ imigabo mibi; Akanwa kanje ntigacumura.

⁴Ku ruhande rw’ibikorwa vy’ abantu, jeho kwitondera ijambo ry’iminwa yawe Ni kwo kwampaye kwirinda inzira z’abantu b’ikirara.

⁵Intambuko zanje zishikamye mu nzira zawe, Ibirenge vyanje ntibinyerera.

⁶Ndakwambaje, kuk’ utobura kunyishura, Mana: Ntegera ugutwi, wumve ivyo mvuga.

⁷Erekana imbabazi zawe zitangaza, wewe ukiza abaguhungirako kubg’ abarwanizi babo, Ubakirishije ukuboko kwawe kw’i buryo.

⁸Unzigame nk’imbone y’ijisho, Umpishe mu gitūtu c’amababa yawe,

⁹Umpishe abanyakibi bannyaga, Ni bo babisha banje bankikije.

¹⁰Bugaye imitima yabo kugira ngw ikigongwe nticinjire, Akanwa kabo bakavugisha ubgibone.

¹¹None bakikije intambuko zacu, Baduhanze amaso kugira ngo badutūre hasi.

¹²Bameze nk’intambge ifise amero y’ico yofata; Nk’umugunza w’intambge, utegeye mu bibundo.

¹³Uhoraho we, haguruka, Ubahagarare mu ruhanga, ubatūre hasi. Ukize umutima wanje umunyakibi, uwukirishije inkota yawe;

¹⁴Uhoraho, uwukize abantu, uwukirishije ukuboko kwawe; Ni bo bantu b’isi, umugabane wabo uri mur’ ubu bugingo. Inda zabo ziragahāga ivyo wababīkiye, Abana babo barakabihāga, Barakabisigariza n’ibibondo vyabo!

¹⁵Jeho nzorāba mu nyonga hawe ngororoka, Nikanguye nzonyurwa n’ ishusho yawe.