Read Bibliya Yera 1951 Zaburi 24 Bible Online

Zaburi 24 - Bibliya Yera 1951 bible

Zaburi 24

¹Zaburi ya Dawidi. Isi n’iy’ Uhoraho, n’ibiyuzuye, Isi n’abayibamwo.

²Kukw ari we yashize amatanguriro yayo ku biyaga, Yayihamangiye ku mazi menshi.

³Ni nde azodūga umusozi w’ Uhoraho? Ni nde azohagarara ahēra hiwe?

⁴N’ūfise amaboko akeye n’umutima utanduye, Atigeze kwerekeza umushaha wiwe ku vy’ukubesha, Ntarahire ibinyoma.

⁵Uwo ni we azohabga umugisha n’Uhoraho, N’ukugororoka azoguharūrwako n’Imana y’agakiza kiwe.

⁶Abayirondera ni ben’ uwo muntu, Abarondera mu nyonga hawe, Mana ya Yakobo. Sela .

⁷Ni mwīgire birebire, mwa birimba, Musegenye, mwa nzugi z’ ibihe vyose, ngo hāguke, Umwami w’ubgiza ngw ashike.

⁸Uwo Mwami w’ubgiza ni nde? N’Uhoraho afise inkomezi n’ ubutōre, N’Uhoraho afise ubutōre mu ntambara.

⁹Ni mwīgire birebire, mwa birimba, Musegenye, mwa nzugi z’ ibihe vyose, ngo hāguke, Umwami w’ubgiza ngw ashike.

¹⁰Uwo Mwami w’ubgiza ni nde? Uhoraho Nyen’ ingabo Ni we Mwami w’ubgiza. Sela .