Read Bibliya Yera 1951 Zaburi 28 Bible Online

Zaburi 28 - Bibliya Yera 1951 bible

Zaburi 28

¹Zaburi ya Dawidi. Uhoraho, ni wewe ntakambira; Gitandara canje, ntiwice amatwi: Kuko wonyihoza Nohinduka nk’abamanuka baja muri rwa rwobo.

²Wumvirize ijwi ry’ukwinginga kwanje uko ngutakambiye, Uko ntaritse amaboko, ndayatumbereje ahēra h’urusengero rwawe.

³Ntunkwegane n’abanyakibi N’inkozi z’ibibi; Bavugana ivy’ amahoro na bagenzi babo, Ariko mu mitima yabo har’ imanga.

⁴Ubahe ibikwiranye n’ivyo bākoze, ibikwiranye n’ivyo bāgabitanije, Ubahe ibikwiranye n’ibikorwa vy’amaboko yabo: Ubasubirize mu nkōko nk’ uko bibakwiye.

⁵Kuko batababaye ivyo Uhoraho yakoze, Cank’ ibikorwa vy’amaboko yiwe, Azobasangangura, ntazobubaka.

⁶Uhoraho ahimbazwe, Kuko yumviye ijwi ry’ukwinginga kwanje.

⁷Uhoraho ni we nkomezi zanje n’inkinzo yanje, Umutima wanje uhora umwizigira, ngatabarwa: Ni co gituma umutima wanje unezerwa cane, Kandi nzomutazirisha indirimbo yanje.

⁸Uhoraho n’inkomezi z’abantu biwe, Uwo yarobanuje amavuta amubera ubuhungiro bg’ agakiza.

⁹Kiza abantu bawe, uhe ishamvu yawe umugisha: Kand’ ubaragire, wame ubaramira ibihe bidashira.