Read Bibliya Yera 1951 Zaburi 30 Bible Online

Zaburi 30 - Bibliya Yera 1951 bible

Zaburi 30

¹Iyi Zaburi n’Indirimbo yaririmbge aho bashikiriza Imana ingoro; n’iya Dawidi. Uhoraho ndaguhimbaza kuko wankūye hasi, Ntukunde kw abansi banje banyitamba hejuru.

²Uhoraho, Mana yanje, Naragutakambiye, urankiza.

³Uhoraho, wadūganye ubugingo bganje, ubukūra i kuzimu: Wankijije urupfu, ngo noye kumanuka nkaja muri rwa rwobo.

⁴Muririmbire Uhoraho ishimwe, yemwe bakunzi biwe, Mushime izina ryiwe ryera.

⁵Kuk’ uburake bgiwe ar’ ubg’ akanya isase, Arik’ ubuntu bgiwe bgamah’ igihe cose umuntu akiriho. Ukurira kworārira umuntu mw ijoro, Ariko mu gitondo impundu zikavuga.

⁶Nanje, aho nari nguwe neza, naravuze, Nti Sinzokwigera nsegenyeshwa.

⁷Uhoraho, kubg’ urukundo rwawe war’ ushimangiye umusozi wanje; Wapfutse my nyonga hawe, mpagarika umutima.

⁸Uhoraho naragutakambiye, Kandi ninginze Uhoraho:

⁹Nti Mbeg’ amaraso yanje azomara iki, ni namanuka nkaja muri rwa rwobo? Non’ umukungugu uzoguhimbaza? Mbeg’ uzokwatura ukuri kwawe?

¹⁰Uhoraho we, zirikana ungirire ikigongwe: Uhoraho, mbera umutabazi.

¹¹Intimba yanje uyihinduye imvyino, Unkenyuruye amagunira yanje, unkenyeza umunezero,

¹²Kugira ng’umushaha wanje ukuririmbire ishimwe ntucereze. Uhoraho, Mana yanje, nzogushima ibihe bidashira.