Read Bibliya Yera 1951 Zaburi 31 Bible Online

Zaburi 31 - Bibliya Yera 1951 bible

Zaburi 31

¹Iyi Zaburi yahawe umukuru w’abaririmvyi: n’iya Dawidi. Uhoraho, ni wewe mpungirako: sinze nigere mmāramāzwa; Unkize kubg’ ukugororoka kwawe.

²Umbangire ugutwi, unyaruke unkize: Umbere igitandara gikomeye, inzu y’igihome yo kunkiza.

³Kukw ari wewe gitandara canje n’igihome kinkīngira: Nuko kubg’ izina ryawe unje imbere, undōngōre.

⁴Unkūre mu mutego bantegeye mu mpisho, Kukw ari wewe buhungiro bganje.

⁵Mu kuboko kwawe ni ho nshize ubugingo bganje; Warancunguye Uhoraho, we Mana y’ukuri.

⁶Nanka abashira imitima ku bitagira ikimazi vy’ibinyoma, Ariko jeho nizigira Uhoraho.

⁷Nzokwama nnezerwa mpimbawe n’imbabazi zawe, Kuko wabonye amagorwa yanje; Wamenye imibabaro y’umutima wanje,

⁸Kandi ntiwantanze mu maboko y’umwansi; Washize ibirenge vyanje ahantu hāgutse.

⁹Ngirira ikigongwe Uhoraho we, kuko ngowe: Ijisho ryanje rikabiranijwe n’ intuntu, bo n’ubugingo bganje n’umubiri.

¹⁰Kukw imisi y’ukubaho kwanje imazwe n’umubabaro, n’imyaka yanje imazwe no kwitsa umutima: Intege zanje ziracitse kubg’ ukugabitanya kwanje, amagufa yanje ashize umunywera.

¹¹Mpindutse ruvumwa kubg’ abansi banje bose, Mbere, mpindukiye abo tubana igitutsi gikomeye, n’ abo tuzinanyi mbahindukiye igiteye ubgoba: Abambonye mu nzira barampunga.

¹²Nibagiranye nk’uwapfuye, atacibukwa: Mmeze nk’ikibumbano kimenetse.

¹³Kuko numvise benshi bandementaniriza, Ubgoba kukantera irya n’ino; Hamwe bangīra inama Barondera ingene bonyica.

¹⁴Ariko jeho, ni wewe nizigiye, Uhoraho, Naravuze, nti Ni wewe Mana yanje.

¹⁵Ibihe vyanje biri mu kuboko kwawe, Unkize ukuboko kw’abansi banje n’abampama.

¹⁶Umurikishirize umusavyi wawe mu nyonga hawe, Unkize kubg’ imbabazi zawe.

¹⁷Uhoraho, sinze nicwe n’isoni, kuko ngutakambiye; Abanyakibi abe ari bo bicwa n’isoni, bajorererwe i kuzimu.

¹⁸Iminwa ivuga ibinyoma izibge, Ivugana umugororotsi agakēngērwe, N’ubgibone n’akagaye.

¹⁹Ereg’ ukugira neza kwawe ni kwinshi, ukwo wabīkiye abakwubaha, Ukwo wagiriye abaguhungirako mu maso y’abana b’ abantu!

²⁰Mu bgigobeko bgo mu nyonga zawe ni ho uzobahisha inama mbi z’abantu, Uzobahisha mw ihema gutongana kw’indimi.

²¹Uhoraho ahimbazwe, Kuko yanyerekeye imbabazi ziwe zitangaza mu gisagara kizitijwe ibikomeye.

²²Jeho navuganye ukwihebura, nti Ndarandutse, nkūwe mu nyonga zawe: Ariko weho wumvise ijwi ry’ ukwinginga kwanje hamwe nagutakambira.

²³Mukunde Uhoraho, yemwe bakunzi biwe mwese: Uhoraho azigama abizigirwa, Ūkora ivy’ ubgibone abimusubiriza mu nkōko kenshi.

²⁴Ni mureme, imitima yanyu ishikame, Yemwe abiteze Uhoraho mwese.