Read Bibliya Yera 1951 Zaburi 32 Bible Online

Zaburi 32 - Bibliya Yera 1951 bible

Zaburi 32

¹Iyi Zaburi n’iya Dawidi. N’indirimbo y’ubuhinga. Hahirwa uwahariwe ugucumura kwiwe, icaha ciwe kigatwikirwa.

²Hahirwa umuntu Uhoraho adaharūrak’ ukugabitanya, Umutima wiwe ntubemw’ ubugunge.

³Ngicereje, amagufa yanje atewe gusāza N’ukuniha kwanje umusi ukīra.

⁴Kuk’ ukuboko kwawe kwandemēra ku murango no mw ijoro, Ukubengagira kwanje kugahinduka nk’ukwuma kwo mu ci. Sela .

⁵Nakwemereye icaha canje, sinatwikiriye ukugabitanya kwanje; Naravuze, nti Ndāturira Uhoraho ibicumuro vyanje: Nawe umparira ukugabitanya kw’icaha canje. Sela .

⁶Ni co gituma ūkwubaha wese akwiye kugusengera mu gihe wobonerwamwo: N’ukuri, iy’ amazi asendanishije yamaze iminyika, ntazomushikako.

⁷Ni wewe bgihisho bganje, uzondinda amagorwa, Uzonkikiza impundu z’uko ndokotse. Sela .

⁸Nzokwigisha nkwereke inzira ucamwo, Nzokugīra inama, ijisho ryanje rizokugumako.

⁹Ntimube nk’ifarasi cank’ inyumbu, bitagira ubgenge, Bikwiye kugira imijiginya y’ ivyuma n’ibitsibo vyo kubifata; Bitabaye birtyo ntivyokwēgēra.

¹⁰Abanyakibi bazobona imibabaro myinshi: Arik’ uwizigira Uhoraho, imbabazi zizomukikiza irya n’ino.

¹¹Yemwe mwa bagororotsi, munezererwe Uhoraho, muhimbarwe: Yemwe abafise imitima itunganye mwese, muvuze impundu y’umunezero.