Read Bibliya Yera 1951 Zaburi 33 Bible Online

Zaburi 33 - Bibliya Yera 1951 bible

Zaburi 33

¹Munezererwe Uhoraho, yemwe bagororotsi. Gushima kurabereye abatunganye.

²Mushimishe Uhoraho ikembe, Mumuririmbire muvuza ishimwe ryiwe mu nanga y’ imirya cumi.

³Mumuririmbire indirimbo nsha: Mucurarangishe ubuhinga muyomanze.

⁴Kukw ijambo ry’Uhoraho ritunganye, Igikorwa ciwe cose agikorana ukuri.

⁵Akunda kugororoka n’imanza zibereye: Isi yuzuye imbabazi z’Uhoraho.

⁶Ijambo ry’Uhoraho ni ryo ryāremye ijuru, Impwemu zo mu kanwa kiwe ni zo zāremye ingabo zose zo kuri ryo.

⁷Yegeranya amazi yo mu kiyaga nk’ikirundo, I bgina ahimburira mu bigega.

⁸Isi yose ni yubahe Uhoraho, Abari mw isi yose bamutinye.

⁹Kuko yavuze, bikaba, Yageze, bikaguma.

¹⁰Uhoraho ahindura ubusa imigabo y’amahanga, Atuma ivyiyumviro vy’amoko bipfa ubusa.

¹¹Imigabo y’Uhoraho ihora ihamye ibihe bidashira, N’ivyiyumviro vyo mu mutima wiwe ibihe vyose.

¹²Hahirwa ihanga rifise Uhoraho kw Imana yaryo, Ubgoko yitoranirije kuba ishamvu yiwe.

¹³Uhoraho yitegereza ari mw ijuru, Arāba abana b’abantu bose.

¹⁴Avyagiye ku ntebe y’icubahiro, Yitegereza ababa mw isi bose.

¹⁵Ni we abumba imitima yabo bose, Akitegereza ibikorwa vyabo vyose.

¹⁶Nta mwami akizwa n’ukw ari n’ingabo nyinshi, Umuhizi ntarokorwa n’inkomezi ziwe nyinshi.

¹⁷Ifarasi nta kimazi igira co gukiza, Ntizorokoresha umuntu inkomezi zayo nyinshi.

¹⁸Eh’ ijisho ry’Uhoraho riri ku bamwubaha, Riri ku bīteze imbabazi ziwe:

¹⁹Ngw arokore ubugingo bgabo abukize urupfu, Abazigame muri kigoyi babe bazima.

²⁰Imitima yacu yiteze Uhoraho; Ni we mutabazi wacu n’inkinzo yacu.

²¹Imitima yacu izomunezererwa, Kuko twishimiye izina ryiwe ryera.

²²Uhoraho, imbabazi zawe zitubeko, Nk’uko tukwiteze.