Read Bibliya Yera 1951 Zaburi 36 Bible Online

Zaburi 36 - Bibliya Yera 1951 bible

Zaburi 36

¹Iyi Zaburi yahawe umukuru w’abaririmvyi. N’iya Dawidi, umusavyi w’Uhoraho. Ubugarariji bg’umunyakibi buvugira mu mutima wiwe: Nta gutinya Imana kuri mu maso yiwe.

²Kuko yihema ubgiwe, K’ukugabitanya kwiwe kutazomenyekana ngo kwankwe.

³Amagambo yo mu kanwa kiwe n’ukugabitanya n’ubugunge; Yaretse kugira ubgenge no gukora ivyiza.

⁴Yigerera ivy’ ukugabitanya ari ku buriri bgiwe, Yishira mu nzira itari nziza, Ntazinukwa ibibi.

⁵Uhoraho, imbabazi zawe zishika mw ijuru, Ukuri kwawe gushika no mu bicu.

⁶Ukugororoka kwawe guhwanye n’imisozi miremire y’ Imana, Amateka yawe ameze nk’ amazi maremare yo mw idamba. Uhoraho, ni wewe uzigama abantu n’amatungo.

⁷Mana, ereg’ imbabazi zawe n’iz’ igiciro! Abana b’abantu bahungira mu gitūtu c’amababa yawe.

⁸Bazohāzwa rwose n’ibiryoshe vyo mu ngoro yawe, Kand’ uzobashōra ku ruzi rw’umunezero wawe.

⁹Kukw ah’ uri ari ho har’ isōko y’ubugingo: Mu muco wawe ni ho tuzobonera umuco.

¹⁰Hora ushishikara gusēsekaza imbabazi ku bakuzi, N’ukugororoka kwawe ku batunganye mu mitima.

¹¹Ikirenge c’umwibone ntikinzeko, Ukuboko kw’abanyakibi ntikunsohore.

¹²Hariya ni ho inkozi z’ibibi ziguye, Ziratsinzwe hasi, ntizizoshobora kuvyuka.