Read Bibliya Yera 1951 Zaburi 41 Bible Online

Zaburi 41 - Bibliya Yera 1951 bible

Zaburi 41

¹Iyi Zaburi yahawe umukuru w’abaririmvyi. N’iya Dawidi. Hahirwa ūbabara umurushwa; Uhoraho azomurokora ku musi w’ivyago.

²Uhoraho azomuzigama amukize, kand’ azogira amahirwe mw isi: Nta ho azomuha abansi biwe ngo bamugirire uko bagomba.

³Uhoraho azomwiyegeka ari ku buriri ahondobereye; Ni wewe umworohereza ibisaswa iy’ arwaye.

⁴Naravuze, nt’ Uhoraho, ungirire ikigongwe: Ukize ubugingo bganje, kuko nagucumuyeko.

⁵Abansi banje bamvugakwibibi, Bat’ Azopfa ryari, ngw izina ryiwe rizimangane?

⁶Kand’ umwe muri bo iy’ aje kundāba ambarira ivyo kumpema; Umutima wiwe ukīrundanyamw’ inama mbi, Agasohoka, akabivuga.

⁷Abanyanka bose bamvugana mu twongoshwe, Bangīra inama zo kungirira nabi.

⁸Bat’ Indwara y’intakira iramufashe, Noneho kw aryamye ntazovyuka ukundi.

⁹Mber’ umukunzi wanje pfampfe, uwo nizigira, nagaburira, Na we ambanguriye umugere.

¹⁰Ariko weho, Uhoraho, ungirire ikigongwe, umvyutse, Kugira ngo mbīhōre.

¹¹Iki ni co kimmenyesha yuk’ unnezererwa, N’uk’ umwansi wanje atonyitamba hejuru.

¹²Kandi jeho ni wewe unshigikiye mu kugororoka kwanje, Kand’ unshira imbere mu nyonga zawe ibihe vyose.

¹³Uhoraho, Imana y’Abisirayeli, ahimbazwe, Uhereye kera hose, ukageza ibihe vyose, Amen, kandi Amen.