Read Bibliya Yera 1951 Zaburi 45 Bible Online

Zaburi 45 - Bibliya Yera 1951 bible

Zaburi 45

¹Iyi Zaburi yahawe umukuru w’abaririmvyi; bavugira inanga mw ijwi ryitwa Amarebe: n’iya bene Kora, yo kwigisha. N’indirimbo y’urukundo. Umutima wanje urabize, usēsekara ivyiza: Ndavuga ivyo nageneye umwami; Ururimi rwanje n’ikaramu y’ umwanditsi w’umuhinga.

²Uri n’ubgiza buruta ubg’ abana b’abantu; Igikundiro gisutswe mu minwa yawe: Ni co gitumye Imana iguha umugisha w’ibihe bidashira.

³Wa muhizi we, ambara inkota yawe kw itako, Ambara ubgiza bgawe n’icubahiro cawe.

⁴Ugendane icubahiro, ugendera kw ifarasi, utsinde, Urwanire ukuri n’ubugwaneza no kugororoka. Ukuboko kwawe kw’i buryo kukwigishe ibitera ubgoba.

⁵Imyampi yawe irasongoye: Amahanga agwa bukumbi imbere yawe; Imyampi yawe iguye mu mitima y’abansi b’umwami.

⁶ Ingoma yawe Mana, ihangamye ibihe bidashira, Icumu ry’ubugabe bgawe n’ icumu ry’ūganza atunganye.

⁷Wakunze ukugororoka, wanka ubugarariji: Ni co catumye Imana, ni yo Mana yawe, Ikurobanuza amavuta y’umunezero ikakurutisha bagenzi bawe.

⁸Impuzu zawe zose zitāmirana isenga n’imbazi na kesiya,[4] Mu ngoro zisharijwe n’amahembe y’inzovu, inanga ziraguhimbaye.

⁹Mu ncoreke zawe z’icubahiro harimw’ abakobga b’abami: I buryo bgawe hahagaze umwamikazi yambaye izahabu yavuye muri Ofiru.

¹⁰Umve mukobga, wiyumvire, ubange ugutwi; Kandi wibagire ubgoko bganyu n’inzu ya so:

¹¹Ni co kizotuma umwami agomwa igikundiro cawe, Kukw ari we Mwami wawe, nawe umwunamire.

¹²Kand’ umukobga wo muri Tiro azozana ingorore, Kand’ abatunzi bo mu bantu bazogusaba ng’ ubatonere.

¹³Umukobga w’umwami ar’ i kare afise ubgiza bginshi: Impuzu ziwe zijishishijwe inyuzi z’izahabu.

¹⁴Ahava azanirwa umwami, yambaye impuzu zisharijwe: Abakobga bagenzi biwe bamukurikiye Bahava bazanwa ah’ uri.

¹⁵Barazananwa umunezero n’ uguhimbarwa, Binjire mu ngoro y’umwami.

¹⁶Mu gishingo ca ba sogokuruza bawe kizosubiramw’ abana bawe, Ni bo uzoshiraho kuba abaganwa mu gihugu cose.

¹⁷Nzokwibukiriza izina ryawe ibihe vyose: Ni co gituma amahanga azogushima ibihe bitazoshira.