Read Bibliya Yera 1951 Zaburi 47 Bible Online

Zaburi 47 - Bibliya Yera 1951 bible

Zaburi 47

¹Iyi Zaburi yahawe umukuru w’abaririmvyi. Ni Zaburi ya bene Kora. Yemwe mahanga yose, ni mukome amashi; Muvugirize Imana impundu zo kunesha.

²Kuk’ Uhoraho asumba vyose ateye ubgoba, N’Umwami ahambaye aganza isi yose.

³Aduha guhagarara amahanga ku gakanu, Ashira amoko musi y’ibirenge vyacu.

⁴Adutoraniriza umwandu wacu, Ni wo vyirato vya Yakobo, uwo yakunze. Sela .

⁵Imana idūze mu mpundu, Uhoraho adūze mu majwi y’ inzamba.

⁶Muririmbire Imana ishimwe, muririmbe ishimwe: Muririmbire Umwami wacu ishimwe, muririmbe ishimwe.

⁷Kukw Imana ar’ Umwami w’ isi yose, Muririmbishe ishimwe ryayo indirimbo ironkeshejwe ubgenge.

⁸Imana irahangamye mu mahanga; Imana iravyagiye ku ntebe yayo yera.

⁹Abaganwa b’amahanga bashengejwe No guhinduka abantu b’Imana ya Aburahamu. Kukw inkinzo z’abo mw isi ar’ iz’ Imana; Ni yo ishizwe hejuru cane.