Read Bibliya Yera 1951 Zaburi 49 Bible Online

Zaburi 49 - Bibliya Yera 1951 bible

Zaburi 49

¹Iyi Zaburi yahawe umukuru w’abaririmvyi: ni Zaburi ya bene Kora. Yemwe mahanga mwese, ni mwumve ibi; Yemwe abari mw isi mwese, ni mutege amatwi:

²Aboroshe n’abahambaye, Abatunzi n’aboro bose hamwe.

³Akanwa kanje kagira kavuge ivy’ ubgenge, Umutima wanje ugira wiyumvire ivy’ ugutahura.

⁴Ndabangira ugutwi umugani, Ubupfindo bganje ndabupfindurisha inanga.

⁵N’iki cotuma ntinya mu misi y’ivyago, Ah’ ukugabitanya kw’abansi banje kunkikije?

⁶Abishimira ubutunzi bgabo, Bakirata ibihinda vy’ivyo batunze,

⁷Nta n’umwe ashobora gucungura mugenzi we na gatoya, Canke guha Imana incungu yiwe:

⁸Kukw incungu y’ubugingo bgabo ar’ iy’ igiciro, N’iyo kurekwa ibihe bidashira.

⁹Nta womucungura ngw az’ abeho ibihe vyose, Yoye kubona rwa rwobo.

¹⁰Kukw abona kw abanyabgenge bapfa, Igipfu n’ikijuju bikarandukana, Bagasigarana abandi ubutunzi bgabo.

¹¹Imva ni zo zizoba imigerēro yabo y’ibihe bidashira: Ni ho bazoba ibihe vyose, Nah’ amashamvu yabo bāri bāyitiriye amazina yabo.

¹²Yamar’ umuntu ntiyamana icubahiro, Ameze nk’ibikōko bipfa gusa.

¹³Ayo ni yo maherezo y’abiyizigira, N’abahimbarwa n’ivyabo ni yo matahiro. Sela .

¹⁴Bacūrirwa i kuzimu nk’umukuku w’intama, Rupfu azobaragira: Abatunganye bukeye bazobaganza; Ubgiza bgabo i kuzimu hazobuhabga ngo habumare, ntibugire aho kuba.

¹⁵Arikw Imana yo izocungura ubugingo bganje, ibukūre mu kuboko kw’i kuzimu, Kukw ari yo izonyakīra. Sela .

¹⁶Ntuz’ ugire ubgoba umuntu ni yatunga, Icubahiro c’inzu yiwe kikagwira:

¹⁷Kuko ni yahwera atazogira ico ajana, Icubahiro ciwe ntikizomanuka ngo kimukurikire.

¹⁸Naho yibarira akiriho kw ahiriwe, Kandi naho bashima umuntu yitungiye;

¹⁹Azohamvya ba sekuruza Batazobona umuco ukundi.

²⁰Umuntu afise icubahiro ntagire n’ubgenge Ameze nk’ibikōko bipfa gusa.