Read Bibliya Yera 1951 Zaburi 53 Bible Online

Zaburi 53 - Bibliya Yera 1951 bible

Zaburi 53

¹Iyi Zaburi yahawe umukuru w’abaririmvyi: bavugira inanga mw ijwi ryitwa Mahalati. N’indirimbo ya Dawidi yaronkeshejwe ubgenge. Igipfu cibgira mu mutima, ngo Nta Mana iriho. Bārononekaye, bākoze ivy’ ukugabitanya vyo kwankwa urunuka, Nta wukora ivyiza.

²Imana icishiriza mu bana b’abantu, iri mw ijuru, Kugira ngw irābe ko harimw’ abatāhūra, Barondera Imana.

³Bose bāsubiye inyuma; bose banduye hamwe; Nta wukora ivyiza, eka nta n’umwe.

⁴Mbeg’ inkozi z’ibibi zose nta bgenge zifise? Ko barya abantu banje nk’uko barya umutsima, Kandi ntibambaza Imana.

⁵Aho nyene bahacikiye umuhongo, ata kiwubaciye, Kukw Imana yakwiragije amagufa y’uwashagarije kugutera: Warabatetereje, kukw Imana yabahinyuye.

⁶Icompa agakiza k’Abisirayeli kakaba kaje kava i Siyoni! Imana ni yasubizay’ abantu bayo bājanywe ar’ inyagano, Ni ho aba Yakobo bazovuza impundu, Abisirayeli bakanezerwa.