Read Bibliya Yera 1951 Zaburi 56 Bible Online

Zaburi 56 - Bibliya Yera 1951 bible

Zaburi 56

¹Iyi Zaburi yahawe umukuru w’abaririmvyi; bavugira inanga mw ijwi ryitwa Inuma yihoreye y’aba kure. Ni Zaburi ya Dawidi, yitwa Mikitamu, yanditse hamwe Abafilisitiya bāmufatira i Gati. Mana, ngirira ikigongwe, kukw abantu bashaka kummira; Biriza umusi bandwanya bampahaza.

²Abansi banje biriza umusi bashaka kummira, Kukw abandwananya agakēngērwe ari benshi.

³Igihe cose ntinye Nzokwizigira.

⁴Imana izompa gushima ijambo ryayo, Imana ni yo nizigiye, sinzotinya; Non’ abantu boshobora kuntwara iki?

⁵Biriza umusi bagoreka amajambo yanje, Ivyiyumviro vyabo vyose n’ ivyo kungirira nabi.

⁶Barakorana, bakinyegeza, Bakagenza ibirenge vyanje, Kuko babundiye ubugingo bganje.

⁷Mbeg’ ukugabitanya kwabo kuzobakiza? Mana, uburake bgawe ubutsindishe hasi amahanga.

⁸Uharūra iminihiro yanje: Ushire amosozi yanje mw icupa ryawe; Mbega ntiyanditswe mu gitabo cawe?

⁹Maz’ abansi banje bazosubizwa inyuma ku musi nzotakambako: Ivyo ndabizi, kukw Imana iri mu ruhande rwanje.

¹⁰Imana izompa gushima ijambo ryayo; Uhoraho azompa gushima ijambo ryiwe.

¹¹Imana ni yo nizigiye, sinzotinya; Non’ abantu boshobora kuntwara iki?

¹²Mana, amasezerano nagusezeraniye ari kuri jewe, Kandi nzogushikanira ibimazi vy’ishimwe.

¹³Kuko wakijije ubugingo bganje urupfu, N’ibirenge vyanje mbega ntiwabikijije gutsitara? Ngo mbone ingene ngendera imbere y’Imana Mu muco w’abakiriho.