Read Bibliya Yera 1951 Zaburi 57 Bible Online

Zaburi 57 - Bibliya Yera 1951 bible

Zaburi 57

¹Iyi Zaburi yahawe umukuru w’abaririmvyi: bavugira inanga mw ijwi ryitwa Ntuhonnye. Ni Zaburi ya Dawidi yitwa Mikitamu, yanditse hamwe yahungira Sauli mw isenga. Ngirira ikigongwe Mana, ngirira ikigongwe, Kuk’ ubugingo bganje buronka ubuhungiro muri wewe: Mbere no mu gitūtu c’ amababa yawe ni ho ngira mpungire, Gushitsa ah’ ibi vyago birenganira.

²Ndatakambira Imana isumba vyose, Ni yo Mana immarira vyose.

³Izotuma iri mw ijuru inkize, Ūshaka kummira ni yantuka. Sela . Imana izotuma imbabazi zayo n’ukuri kwayo.

⁴Ubugingo bganje buri hagati y’intambge: Ndyama hagati y’abaka umuriro, Ni bo bana b’abantu, amenyo yabo n’amacumu n’imyampi; Ururimi rwabo n’inkota ikarishe.

⁵Mana, n’ushirwe hejuru y’ amajuru, Icubahiro cawe kibe hejuru y’isi yose.

⁶Bateze ibirenge vyanje umutego; Umutima wanje uricurikiriye. Bimvye icobo imbere yanje: Baba ari bo bakirokeramwo. Sela .

⁷ Mana, umutima wanje urahamye, umutima wanje urahamye: Ndaririmba, mbere ndaririmba ishimwe.

⁸Ewe bgiza bganje, ni wikangure; kembe n’inanga ni mwikangure: Nanje ubganje nzokwikangura ntange umutwenzi.

⁹Mwami nzogushimira mu moko: Nzokuririmbira ishimwe mu mahanga,

¹⁰Kukw imbabazi zawe ari nyinshi zishika mw ijuru, Ukuri kwawe gushika no mu bicu.

¹¹Mana, n’ushirwe hejuru y’ amajuru, Icubahiro cawe kibe hejuru y’isi yose.