Read Bibliya Yera 1951 Zaburi 58 Bible Online

Zaburi 58 - Bibliya Yera 1951 bible

Zaburi 58

¹Iyi Zaburi yahawe umukuru w’abaririmvyi: bavugira inanga mw ijwi ryitwa Ntuhonnye. Ni Zaburi ya Dawidi yitwa Mikitamu. Mbeg’ ugucereza ni kwo mucisha imanza zibereye? Yemwe bana b’abantu, mbega muca imanza zigororotse?

²Oyaye, mugabo mukorera ivyo kugabitanya mu mitima yanyu; Umuryano w’amaboko yanyu ni wo rubanza mucira mu gihugu.

³Abanyakibi batandukanywa n’ Imana uhereye ku kuva mu nda za ba nyina: Iyo bavutse baca bizimagiza, bakabesha.

⁴Ubumara bgabo bumeze nk’ ubg’ inzoka: Bameze nk’imamba itumva, yiziba amatwi,

⁵Itumva ijwi ry’abagunzi, Naho bayigundisha ubupfumu.

⁶Mana, ubavune amenyo mu kanwa kabo: Uhoraho, uhongagure amajigo y’iyo migunza y’intambge.

⁷Ni bakamangane nk’amazi ashēshwe; Bakigenekereza imyampi ibe nk’ibishishibano.

⁸Babe nk’igifyera kiyaga kigashira; Babe nk’inda ikorotse, itigeze kubona izuba.

⁹Inkono zanyu zitarumva umuriro w’inkwi z’amahwa, Imana izozikūzah’ agashururu, imbisi n’izifashwe zose.

¹⁰Umugororotsi azonezerwa ni yabona ukwo guhōra: Azokwogesha ibirenge vyiwe amaraso y’ababi.

¹¹Bizotuma abantu bavuga, bati N’ukuri har’ impēra y’ abagororotsi: N’ukuri harih’ Imana icira imanza mw isi.