Read Bibliya Yera 1951 Zaburi 59 Bible Online

Zaburi 59 - Bibliya Yera 1951 bible

Zaburi 59

¹Iyi Zaburi yahawe umukuru w’abaririmvyi: bavugira inanga mw ijwi ryitwa Ntuhonnye. Ni Zaburi ya Dawidi yitwa Mikitamu, yanditse hamwe Sauli yatuma, bagasagaza ku nzu ngo bamwice. Mana yanje, unkize abansi banje: Unshire hejuru y’abampagurukiye.

²Unkize inkozi z’ibibi, Undinde abavisha amaraso.

³Kuko rāba, babundiye ubugingo bganje; Abahizi barankoraniye, Atari kubg’ icanje gicumuro cank’ icanje caha, Uhoraho.

⁴Barirukanga bakitegura, batagira ico bampōra. Vyukuruka unsanganire, uvyitegereze:

⁵Wewe nyene, Uhoraho Mana Nyen’ ingabo, Mana y’ Abisirayeli, Vyuka ugīre amahanga yose, Ntugire abanyabicumuro babi ugirira ikigongwe. Sela .

⁶Bataha ku mugoroba bagwangwara nk’imbga, Bakagendura igisagara.

⁷Ehe badudubiza amagambo mabi mu kanwa kabo, Inkota ziri mu minwa yabo: Kuko bibgira, bati Ni nde avyumva?

⁸Ariko weho Uhoraho, uzobatwenga; Uzokwegurwa n’agashinyo ku mahanga yose.

⁹Ewe nkomezi zanje, nzokwitega: Kukw Imana ari yo gihome kirekire kinkīngira.

¹⁰Imana mboneramw’ imbabazi izonsanganira, Imana izompa kwibonera abandyamiye.

¹¹Ntubice, abantu banje boye kwibagira: Ubasābagirishe ubushobozi bgawe, ubacishe bugufi, Mwami, nkinzo idukīngira.

¹²Amagambo yo mu minwa yabo ni yo gicumuro c’ akanwa kabo, Ubgibone bgabo bubafate nk’ umutego, Bo n’imivumo n’ibinyoma bavuga.

¹³Ubamarane uburake, ubamare, boye kubah’ ukundi; Kugeza ku mpera y’isi Bamenye yukw Imana ari yo iganza aba Yakobo. Sela .

¹⁴Ba bandi baze batahe ku mugoroba, bagwangware nk’imbga, Bagendure igisagara.

¹⁵Bahunahuna hose barondera inyama; Ni batāhāga bakesha ijoro.

¹⁶Ariko jeho nzoririmba inkomezi zawe; Mbere mu gitondo nzoririmba imbabazi zawe n’ijwi rirenga: Kuko wambereye igihome kirekire kinkīngira, N’ubuhungiro ku musi w’ amagorwa yanje.

¹⁷Ewe nkomezi zanje, ni wewe nzoririmbira ishimwe: Kukw Imana ari yo gihome kirekire kinkīngira, n’Imana mboneramw’ imbabazi.