Read Bibliya Yera 1951 Zaburi 6 Bible Online

Zaburi 6 - Bibliya Yera 1951 bible

Zaburi 6

¹Iyi Zaburi yahawe umukuru w’abaririmvyi: bavugira inanga y’ijwi ritūza. Ni Zaburi ya Dawidi. Uhoraho we, ntumpanane uburake, Canke ng’ unkubitane ishavu.

²Ungirire imbabazi, Uhoraho, kuko nkabiranye: Uhoraho n’unkize, kukw amagufa yanje atetemera.

³Umutima wanje na wo uratetemera cane. Nawe, Uhoraho, mbeg’ uzogeza ryari?

⁴Ewe Uhoraho garuka, utabare umutima wanje, Unkize kubg’ imbabazi zawe.

⁵Kuk’ utazokwibukirwa mu rupfu; Ni nde azogushimira i kuzimu?

⁶Kuniha kurandambiye; Ukw ijoro ryije ntotesha uburiri bganje amosozi, Uburiri bganje ndayabucuncuburirako.

⁷Nahwereye mu kajisho kubg’ intuntu, Ryakabiranijwe n’abarwanizi banje bose.

⁸Mva i ruhande, mwa bakora ibizira mwe, Kuk’ Uhoraho yumvise ijwi ry’amarira yanje.

⁹Uhoraho yumvise ukwinginga kwanje; Uhoraho azokwemera ugusenga kwanje.

¹⁰Abansi banje bose bazomāramāra, batetemere cane, Bazosubizwa inyuma, bace bamāramāra.