Read Bibliya Yera 1951 Zaburi 60 Bible Online

Zaburi 60 - Bibliya Yera 1951 bible

Zaburi 60

¹Iyi Zaburi yahawe umukuru w’abaririmvyi: bavugira inanga mw ijwi ryitwa Irebe ry’igishingantahe. Mikitamu ya Dawidi, yandikiye kwigisha, hamwe yarwana n’Abasiriya b’i Mesopotamiya n’Abasiriya b’i Zoba, Yowabu akagaruka, akicira mu Mwonga w’Umunyu Abanyedomu ibihumbi cumi na bibiri. Mana, uradutaye, uradusambuye: Wararatse; n’udusubizemw’ intege.

²Watumye igihugu gihinda agashitsi, uragisatagura: Zibira ubunyenyagu bgaco, kuko kinyiganyiga.

³Weretse abantu bawe ibigoye, Watunywesheje vino zidandabagiranya.

⁴Wahaye abakwubaha ibendera, Kugira ngo ryerekanwe kubg’ ukuri. Sela .

⁵Kirisha ukuboko kwawe kw’i buryo, unyishure, Kugira ngw abo ukunda barokorwe.

⁶Imana yatanze indahiro ku kwera kwayo, iti Nzonezerwa, Nzogabura i Shekemu, kandi nzogaburisha amabango umwonga w’i Sukoti.

⁷Gileyadi n’ahanje, umuryango wa Manase n’uwanje; Uwa Efurayimu ni wo ukīngira umutwe wanje; Uwa Yuda ni wo cumu ry’ ubugabe bganje.

⁸I Mowabu ni ho cogero canje, Abanyedomu nzobashiburirakw inkweto, Filisitiya, umvugirize impundu.

⁹Ni nde azonshikana mu gisagara kizitijwe ibikomeye? Ni nde azonshikana muri Edomu?

¹⁰Si wewe uzonshikanayo ga Mana yadutaye? Si wewe uzonshikanayo ga Mana itajana n’ingabo zacu?

¹¹Udutabare umurwanizi, Kuko gutabara kw’abantu ar’ ukw’ ubusa.

¹²Imana izodukoresha ivy’ ubuhizi, Kukw ari yo izosiribanga abarwanizi bacu.