Read Bibliya Yera 1951 Zaburi 62 Bible Online

Zaburi 62 - Bibliya Yera 1951 bible

Zaburi 62

¹Iyi Zaburi yahawe umukuru w’abaririmvyi: n’iyo mu buryo bga Yedutuni. Ni Zaburi ya Dawidi. Umutima wanje uhwekereye ku Mana yonyene: Ni yo agakiza kanje kandurukako.

²Ni yo gitandara canje yonyene n’agakiza kanje, N’igihome kirekire kinkīngira: sinzosegenyeshwa cane.

³Muzogeza hehe gutera umuntu, Ngo mumwice mwese, Nk’igisika gihengamye, nk’ uruzitiro rugira rutembe?

⁴Nta kindi gituma baja inama, atar’ ukugira ngo bamutemvye ngw ave mu bukuru bgiwe; Bahimbarwa n’ibinyoma: Bahezagirisha akanwa, ariko bavumanisha imitima. Sela .

⁵Mutima wanje, uhwekere ku Mana yonyene, Kukw ari yo ivyizigiro vyanje vyandurukako.

⁶Ni yo gitandara canje yonyene n’agakiza kanje; N’igihome kirekire kinkīngira, sinzosegenyeshwa.

⁷Imana ni yo irimw’ agakiza kanje n’icubahiro canje: Igitandara c’inkomezi zanje n’ubuhungiro bganje biri mu Mana.

⁸Yemwe bantu, mwame muyizigira ibihe vyose: Musuke ivyo mu mitima yanyu imbere yayo: Imana ni yo itubera ubuhungiro. Sela .

⁹N’ukuri abafafara ni nk’impwemu zihumetswe, kand’ abahambaye n’ibinyoma gusa: Ni bashirwa ku munzane, bazoteruka gusa; Bose hamwe bahwahutse kurusha impwemu zihumetswe.

¹⁰Ntimwishimire agahahazo, Kandi ntimwizigire ubunyazi: Itunga ni ryagwira, ntimuze murishirekw imitima.

¹¹Imana yavuze rimwe; Navyumvise kabiri; Ngw Imana ni yo ifise inganji:

¹²Kandi ni wewe Mwami, ufise imbabazi: Kuko wishura umuntu wese ibikwiranye n’ico yakoze.