Read Bibliya Yera 1951 Zaburi 63 Bible Online

Zaburi 63 - Bibliya Yera 1951 bible

Zaburi 63

¹Zaburi ya Dawidi, yanditse hamwe yari mu bugaragwa bg’i Buyuda. Mana, ni wewe Mana yanje; nzozinduka nkurondere. Umutima wanje ukugirira inyota, umubiri wanje ukwifuriza Mu gihugu cumye, kiruhijwe, kitagira amazi.

²Uko ni ko nagutumberereye ur’ ahēra hawe, Kugira ngo ndābe ubushobozi bgawe n’ubgiza bgawe.

³Kukw imbabazi zawe zindutira ubugingo, Iminwa yanje izogushima.

⁴Uko ni ko nzoguhimbaza, nkiriho: Nzotarika amaboko mw izina ryawe.

⁵Umutima wanje uzohāzwa nk’ūriye umusokōro n’ibinure: Akanwa kanje kazogushimisha iminwa inezerewe,

⁶Uko nzokwibuka ndi ku buriri bganje, Nkakwiyumvira mu bihe vy’ amaterama.

⁷Kuko wambereye umufasha, Kandi nzovugiriza impundu mu gitūtu c’amababa yawe.

⁸Umutima wanje ukwōmako: Ukuboko kwawe kw’i buryo kurandamira.

⁹Arikw abashaka kunyica ngo banzimirize Bazoja epfo i kuzimu.

¹⁰Bazoshirwa mu bubasha bg’ inkota, Bazoba umugabane w’imbgebge.

¹¹Arik’ umwami azonezererwa Imana, Ūyirahira wese azokwirata: Kukw akanwa k’ababesha kazozibga.