Read Bibliya Yera 1951 Zaburi 64 Bible Online

Zaburi 64 - Bibliya Yera 1951 bible

Zaburi 64

¹Iyi Zaburi yahawe umukuru w’abaririmvyi. N’iya Dawidi. Mana umva ijwi ryanje mu majojwa yanje, Kiza ubugingo bganje gutinya umwansi.

²Nnyegeza inama zo mu mpisho z’abakora nabi, N’imivurungano y’inkozi z’ ibibi:

³Bakubiriye indimi zabo nk’ inkota, Bagenekereje imyampi yabo, ni yo magambo arura:

⁴Kugira ngo barase ūtunganye bari mu mpisho: Bamurasa giturumbuka ata bgoba.

⁵Biremeshesha imigabo mibi, Baja inama zo gutega imitego mu mpisho; Bakibgira, bati Ni nde azoheza akayibona?

⁶Barondera inama mbi; bakibgira, bat’ Inama twarondera turayinogeje. Kuk’ ubgenge bg’umuntu n’ umutima wiwe vyigobetse.

⁷Arikw Imana izobarasa, Bazokomeretswa n’umwampi giturumbuka.

⁸Uko ni ko bazotsitazwa, urwabo rurimi bgite ruzobarwanya: Abababona bose bazozunguza imitwe.

⁹Kand’ abantu bose bazotinya; Bamenyekanishe igikorwa c’ Imana, Biyumvirishe ubgenge ivyo yakoze.

¹⁰Umugororotsi azonezererwa Uhoraho, amwizigire; Kand’ abafise imitima itunganye bose bazovuza impundu.