Read Bibliya Yera 1951 Zaburi 65 Bible Online

Zaburi 65 - Bibliya Yera 1951 bible

Zaburi 65

¹Iyi Zaburi yahawe umukuru w’abaririmvyi. N’indirimbo yitwa Zaburi ya Dawidi. Mana, i Siyoni bagushimisha agahwekere, Kuri wewe bazoshitsa amasezerano.

²Wewe wumva ivyo usabga, Abafise umubiri bose bazoza kuri wewe.

³Ukugabitanya kwinshi kurannesheje, Arikw ibicumuro vyacu uzobizimanganya.

⁴Hahirwa umuntu utoranya, ukamwiyegereza, Kugira ngw abe mu nyubakwa zawe: Tuzohāzwa n’ivyiza vyo mu ngoro yawe, Vy’ahēra ho mu rusengero rwawe.

⁵Uzotwishurisha ibiteye ubgoba kubg’ ukugororoka, Mana y’agakiza kacu: Ni wewe vyizigiro vy’abo ku mpera zose z’isi, N’ivy’ abari kure ku kiyaga.

⁶Iyo ni yo ishimangirisha imisozi inkomezi zayo, Ikenyeye ubushobozi.

⁷Izibiza kubomborana kw’ibiyaga, kubomborana kw’imipfunda yavyo, N’imivurungano y’amahanga.

⁸Kand’ ababa ku mpera z’isi batinya ibimenyetso vyawe: Uvugisha impundu iy’ igitondo gituruka n’iy’ umugoroba uturuka.

⁹Ugendera isi, ukayirekurira imvura, Uyitungisha cane; Uruzi rw’Imana rwuzuye amazi; Ni wewe wereza abantu impeke, umaze kuhatunganya urtyo.

¹⁰Uringaniza amaburi yaho, Urekurira imvura mu myanya yo muri yo, Uhorohesha imvura y’akajogotere; Uha ukumera kwaho umugisha.

¹¹Wambika umwaka kugira neza kwawe nk’igitsibo, Mu burari bgawe handagaza umugisha,

¹²Wandagara ku miyonga yo mu bugaragwa: Imisozi igakenyera umunezero.

¹³Imikuku yambaye imiyonga, Imyonga yeramw’ impeke zirayitwikira; Isemerezwa n’umunezero ikaririmba.