Read Bibliya Yera 1951 Zaburi 74 Bible Online

Zaburi 74 - Bibliya Yera 1951 bible

Zaburi 74

¹Kwigisha kwa Asafu. Mana, n’iki catumye uduca tukaba ruhebga? N’iki gituma uburake bgawe bupfunduka nk’umwotsi, ubgo urakira intama zo mu canya cawe?

²Ibuka ikoraniro ryawe waguze kera, Iryo wacunguriye kuba ubgoko bg’ishamvu yawe, Bo n’umusozi Siyoni, aho wagerereye.

³Shingūra inyundo zawe, uje mu bitongozi vy’intahava: Abansi bākoreye ahēra ibibi vyose.

⁴Abarwanizi bawe bātontomeye hagati y’aho twakoranira kugusenga: Bāshinze amabendera yabo ngw abe ibimenyetso.

⁵Bameze nk’abantu babanguye incabiti Ngo bace ibiti vy’inzitane.

⁶Non’ ivyabājwe vyaho vyose Barabimenaguza incabiti n’ inyundo.

⁷Bāturiye ahēra hawe: Bāhumanije ubuvyagiro bg’ izina ryawe, barahasangangura rwose.

⁸Bībariye mu mitima yabo, bati Tubageseze rwose; Bāturiye amazu yose yo mu gihugu, yakoranirwamwo gusenga Imana.

⁹Ntitubona ibimenyetso vyacu, Nta wuvugishwa n’Imana akiriho: Kandi nta n’umwe muri twebge azi ah’ ivyo bizogarukira.

¹⁰Mana, umurwanizi azogeza hehe kudutuka? Mbeg’ umwansi azorogota kw izina ryawe ibihe vyose?

¹¹N’iki gituma upfunya ukuboko, ukuboko kwawe kw’i buryo? Gukūre mu gikiriza cawe, ubamare.

¹²Arikw Imana yahoze ar’ Umwami wanje uhereye kera, Ivy’ agakiza ibikorera hagati mw isi.

¹³Ni wewe watandukanishije ikiyaga inkomezi zawe, Wameneye mu mazi imitwe y’ibikōko,

¹⁴Ni wewe wamenaguye imitwe y’ingona,[8] Warayitanze, iba ivyo kurya vy’ivyo mu bugaragwa.

¹⁵Ni wewe watoboye isōko n’ umugezi, Wakamije inzūzi zitokamye.

¹⁶Umurango n’uwawe, kand’ ijoro na ryo n’iryawe: Waremye umuco n’izuba.

¹⁷Ni wewe washizeh’ imbibe zose z’isi, Waremye ici n’agatasi.

¹⁸Ibuka ibi: yukw abansi bakwinantajeko, Uhoraho; Ihanga ritagira ubgenge ryarogose kw izina ryawe.

¹⁹Ntugaburire ibikōko ubugingo bg’inuma yawe: Ntiwibagire ubugingo bg’abagorwa bawe gushitsa ibihe vyose.

²⁰Zirikana rya sezerano: Kukw ahantu h’umwiza ho mw isi hagwiriye indāro z’umuryāno.

²¹Impahazwa yoye kugaruka itēterewe: Umugorwa n’umukene ni bashime izina ryawe.

²²Mana, haguruka wībūranire: Ibuka yukw ikijuju cīriza umusi kigutuka.

²³Ntiwibagire amajwi y’abarwanizi bawe: Urwamo rw’abaguhagurukira rwama rudūga intumbgejuru.