Read Bibliya Yera 1951 Zaburi 91 Bible Online

Zaburi 91 - Bibliya Yera 1951 bible

Zaburi 91

¹Ūba mu bgigobeko bg’Īsumba vyose Azokwama ari mu gitūtu c’ Īshobora vyose.

²Ndabgira Uhoraho, nt’ Ur’ ubuhungiro bganje n’igihome kinkīngira, Imana yanje nizigira.

³Kukw ari yo izogukiza umutego w’umutezi, N’ikīza gihonnya.

⁴Izokubundikira mu moya yayo, Kand’ uzohungira musi y’ivyubi vyayo; Ukuri kwayo n’inkinzo n’icuma co kwīkīngiriza.

⁵Ntuzotinyishwa n’igiteye ubgoba mw ijoro, Canke n’umwampi urashwe ku murango;

⁶Canke n’ikīza kigendagendera mu mwiza, Canke n’agatikizo kayogeza mu mashōka.

⁷Abantu igihumbi bazohindikirana i ruhande yawe, N’ibihumbi cumi i buryo bgawe, Ariko ntibizogushikako.

⁸Uzobirābisha amaso yawe gusa, Ubone ingero y’abanyakibi.

⁹Wagize Uhoraho ubuhungiro bgawe, Īsumba vyose wayigize uburuhukiro;

¹⁰Nta kibi kizogira ico kikugira, Kandi nta cago kizokwēgēra ihema ryawe.

¹¹Kukw azokuragiza abamarayika biwe, Ngo bakuzigame mu nzira zawe zose.

¹²Bazokuramira mu maboko yabo, Woye gutsitara kw ibuye.

¹³Uzokandagira intambge n’ imamba, Uzosiribanga umugunza w’ intambge n’ikiyoka.

¹⁴Kuko yankunze akaramata, ni co gituma nzomukiza: Nzomushira hejuru, kuko yamenye izina ryanje.

¹⁵Azonyambaza, nanje ndamwitabe, Nzobana na we mu marushwa, Ndamukize, mmuhe icubahiro.

¹⁶Nzomuhāza kuramba, Kandi nzomwereka agakiza kanje.