Read Bibliya Yera 1951 Zaburi 92 Bible Online

Zaburi 92 - Bibliya Yera 1951 bible

Zaburi 92

¹Iyi Zaburi n’indirimbo yo kuririmbga kw isabato. Ni vyiza gushima Uhoraho, No kuririmbira izina ryawe ishimwe, ewe Usumba vyose:

²Kwerekana imbabazi zawe mu gitondo, N’ingen’ ur’ umwizigirwa uko bgīje,

³Tuvugira inanga y’imirya cumi n’ikembe, Tukōmānza inanga.

⁴Kuko wewe Uhoraho, wannejereje kubg’ igikorwa cawe wakoze: Nzovugishwa impundu n’ibikorwa vy’intoke zawe.

⁵Ereg’ ibikorwa vyawe birakomeye Uhoraho! Ivyiyumviro vyawe bishika i bgina kure.

⁶Umuntu w’ikijuju ntazi ibi; N’igipfu ntikibitahura:

⁷Iy’ abanyakibi bārutse nk’ ubgatsi, Kand’ inkozi z’ibibi zose iyo zitotahaye, N’ukugira ngo barandurwe gushitsa ibihe vyose.

⁸Ariko wewe, Uhoraho, ushizwe hejuru gushitsa ibihe bitazoshira.

⁹Eh’ abansi bawe, Uhoraho, Eh’ abansi bawe bazohona: Inkozi z’ibibi zose zizosābagira.

¹⁰Ariko washize hejuru ihembe ryanje nk’iry’ imbogo, Nsīzwe amavuta masha.

¹¹Kand’ ijisho ryanje ryiboneye abansi banje, Amatwi yanje yiyumviye ukw inkozi z’ibibi zimpagurukiye zibaye.

¹²Umugororotsi azototahara nk’ ikigazi, Azoshirwa hejuru nk’igiti c’ isederi c’i Lebanoni.

¹³Abatewe mu rugo rw’Uhoraho Bazototaharira mu nyubakwa z’Imana yacu.

¹⁴No mu busāza bazoba bacāma; Bazogira ubukame bginshi n’itōto:

¹⁵Kugira ngo vyerekane yuk’ Uhoraho atunganye; Ni we gitandara canje, atarimwo kugabitanya na gukeya.