Read Bibliya Yera 1951 Zaburi 95 Bible Online

Zaburi 95 - Bibliya Yera 1951 bible

Zaburi 95

¹Ni muze, turirimbire Uhoraho: Tuvugirize impundu igitandara c’agakiza kacu.

²Tuje mu nyonga ziwe tumushima, Tumuvugirize impundu n’ indirimbo.

³Kuk’ Uhoraho ar’ Imana ihambaye, N’Umwami ahambaye, asumba ibigirwamana vyose.

⁴I kuzimu hari mu kuboko kwiwe; Kand’ impinga z’imisozi miremire na zo n’iziwe.

⁵Ikiyaga n’iciwe, ni we yakiremye: Intoke ziwe ni zo zabumvye i musozi.

⁶Ni muze tumusenge twunamye, Dupfukamire Uhoraho Umuremyi wacu,

⁷ Kukw ari we Mana yacu, Natwe tur’ abantu b’icanya ciwe, tur’ intama zo mu kuboko kwiwe. Uyu musi icompa mukumva ijwi ryiwe!

⁸Ntimukomantaze imitima yanyu, nk’uko mwayikomantarije i Meriba, No kuri wa musi w’i Masa mu bugaragwa,

⁹Hamwe ba sogokuruza banyu bāngerageza, Bakancaca, bakabona igikorwa canje.

¹⁰Nashavuriye ab’ ico gihe imyaka mirongwine, Ndavuga, nt’ Aba n’abantu bama bazimira mu mitima yabo, Kandi ntibamenya inzira zanje.

¹¹Ni co catumye ndahirana uburake, Nti Ntibazoshika mu buruhukiro bganje.