Read Bibliya Yera 1951 Zaburi 98 Bible Online

Zaburi 98 - Bibliya Yera 1951 bible

Zaburi 98

¹Zaburi. Ni muririmbire Uhoraho indirimbo nsha, Kuko yakoze ibitangaza: Ikiganza ciwe c’i buryo n’ ukuboko kwiwe kwera yabizanishije agakiza.

²Uhoraho yamenyekanishije agakiza kiwe: Ukugororoka kwiwe yakugaragaje ahabona mu maso y’amahanga.

³Yibutse imbabazi ziwe n’ukugororoka kwiwe, ngw abigirire inzu ya Isirayeli: Abo ku mpera z’isi zose babonye agakiza k’Imana yacu.

⁴Yemwe abari mw isi mwese, muvugirize Uhoraho impundu: Turika muririmbishwe n’ umunezero, mbere muririmbe ishimwe.

⁵Muririmbire Uhoraho ishimwe, muvugira inanga; Muvugira inanga, muririmbe indirimbo.

⁶Muvugishirize impundu imbere y’Umwami Uhoraho, Inzumbete n’ijwi ry’inzamba.

⁷Ikiyaga ni kibomborane bo n’ibicuzuye, N’isi n’abayibamwo bose,

⁸Inzūzi ni zikome amashi, Imisozi n’iririmbishirizwe icarimwe n’umunezero,

⁹Imbere y’Uhoraho, kukw agira aze gucira abari mw isi imanza: Azocira abari mw isi imanza zigororotse, N’amahanga izibereye.