Read Bibliya Yera 1951 Imigani 1 Bible Online

Imigani 1 - Bibliya Yera 1951 bible

Imigani 1

¹Imigani ya Salomo mwene Dawidi, umwami w’Abisirayeli,

²Yo kumenya ubgenge bo n’ inyigisho; Gutegēra amajambo y’ugutahura;

³Kwigishwa gukora ibiroranye mu bgenge, Mu kugororoka, mu kwitegereza neza no mu gutunganya;

⁴No guha imburabgenge kwiguranura, N’umusore kumuha ukumenya no kugira amakenga:

⁵Kugira ng’ umunyabgenge yumve, yunguke ubgenge, Kandi ng’ umuntu w’umuhanga ashike ku kwemera inama nziza;

⁶No ku gutahura umugani n’ikigereranyo, N’amajambo y’abanyabgenge n’ubupfindo bgabo bapfinda.

⁷Kwubaha Uhoraho ni kwo tanguriro ry’ukumenya: Arikw ibipfu bikēngēra ubgenge n’inyigisho.

⁸Mwana wanje, umva inyigisho ya so, Kandi ntute ibgirizwa rya nyoko:

⁹Kuko bizokubera umugāra w’ubuntu mu mutwe, N’imigufu mw izosi.

¹⁰Mwana wanje, abanyavyaha ni bakwosha Ntukemere.

¹¹Ni bakubgira, bati Ngwino ujane natwe, Turyamire kwica, Dutegere mu mpisho ūtagira igicumuro, ata nyanduruko;

¹²Tubayongobeze nk’i kuzimu, bakibona, Ar’ imirava, nk’abamanuka baja muri rwa rwobo;

¹³Tuzoronka ibintu vyose vy’ igiciro kinini, Tuzokwuzuza amazu yacu isahu;

¹⁴Enda fadikanya natwe, Twese tugire umupfuko umwe:

¹⁵Mwana wanje, ntuz’ ugendane na bo mu nzira, Ubuze ikirenge cawe inzira yabo,

¹⁶Kukw ibirenge vyabo vyirukira gukora ikibi, Kandi bihutira kuvisha amaraso.

¹⁷Kuk’ umutego utegerwa ubusa Ikiguruka cose iyo kibibona.

¹⁸Kand’ abo, baryamira kuvisha ayabo maraso, Bategera mu mpisho ubgabo bugingo.

¹⁹Uko ni kw inzira zimeze z’ umuntu wese w’ikirara ku nyungu: Inyungu ikūrah’ ubugingo bga ba nyene yo.

²⁰Bgenge arangururira ijwi mu nzira; Ashirira ijwi hejuru ahiyaguye;

²¹Asemererera ku nama aho bakoranira; Mw ishikiro ku marembo, No mu gisagara, ni hoavugira amajambo yiwe:

²²Ati Yemwe bijuju, muzogeza ryari gukunda ubujuju? N’abacokoranyi guhimbarwa no gucokora? N’ibipfu kugirira urwanko ubgenge?

²³Muhindukire kubgo kwihanikiriza kwanje: Rāba, nzosuka impwemu yanje kuri mwebge, Nzobamenyesha amajambo yanje.

²⁴Ko nabahamagaye, namwe mukanka; Nkabākura, ntihagire ūbibabara;

²⁵Mukagaya inama zanje zose, Mukanka kwihanikiriza kwanje:

²⁶Nuko nanje nzobatwengera mw ijigo mu gihe c’ivyago vyanyu; Nzobitamba ku muvyimba, agatengo kabafashe;

²⁷Agatengo kanyu kabafashe nk’igihuhuta, Ivyago vyanyu bibazingazinze nk’agashururu, Guhagarika umutima n’ubusinzikare bibashikiriye.

²⁸Ni ho bazontakambira, ariko sinzobishura; Bazondondera ubudahumeka, ariko ntibazombona:

²⁹Nuko kuko bagiriye urwanko ubgenge, Ntibahitemwo kwubaha Uhoraho;

³⁰Bakanka inama zanje, Bagakēngēra ukwihanikiriza kwanje kwose;

³¹Ni co gituma bazorya ku vy’ inzira zabo zāmuje, Bazohāga akazīkira kabo ubgabo.

³²Gukomantaza imitima kw’ imburabgenge kuzozica, Kand’ ukugubga neza kw’ibipfu kuzobihonnya.

³³Arik’ ūntega ugutwi wese azoba amahoro, Azokwama atekereje ata kibi atinya.