Read Bibliya Yera 1951 Imigani 22 Bible Online

Imigani 22 - Bibliya Yera 1951 bible

Imigani 22

¹Kuvugwa neza kuruta kugira ubutunzi bginshi, Kandi kuba rurangwa kuruta kugira ifeza n’izahabu.

²Umutunzi n’umworo barahūra: Uhoraho ni we yabaremye bompi.

³Umunyamakenga iy’ abonye ikibi kije, arīkinga, Arikw imburabgenge zikomeza inzira zikīgabura.

⁴Ingero z’ukwicisha bugufi bo n’ukwubaha Uhoraho Ni zo butunzi n’icubahiro n’ubugingo.

⁵Amahwa n’imitego biri mu nzira y’ikigoryi, Arik’ ūrinda ubugingo bgiwe azobica kure.

⁶Toza umwana indero akwiye kwamana, Azorinda asāza atarayivamwo.

⁷Umutunzi atwaza aboro amanyama, Kand’ uwariye umwenda aba umushumba w’uwo yawuririye.

⁸Ūbivye ukugabitanya yimbura ivyago, Kand’ inkoni y’uburake bgiwe izovunika.

⁹Ūrābana ijisho ry’irinyabuntu azohabga umugisha, Kukw aha umugorwa ku vyo kurya vyiwe.

¹⁰Sohora umucokoranyi, imitongano na yo irasohoka, Mber’ ugurtyozanya n’agatētereza bica bishira.

¹¹Ūkunda umutima utanduye, Akagira ubuntu mu minwa yiwe, azoba umutoni w’ umwami.

¹²Inyonga z’Uhoraho zizigama ūfise ubgenge, Arikw amagambo y’igihemu arayatītūra.

¹³Umunyabute aravuga, ati Hanze har’ intambge: Nogwa mu nzira.

¹⁴Akanwa k’abagore b’ivyigenze n’urusumanyenzi rurerure: Kand’ uwo Uhoraho yazinutswe azorugwamwo.

¹⁵Ubupfu buba buhambiriwe ku mutima w’umwana, Arikw inkoni y’uguhana izobgirukanira kure yiwe.

¹⁶Ūnyikiza umugorwa aba amugwirije, Kand’ ūgabira umutunzi, aba amukehereje.

¹⁷Tega ugutwi, wumvire amajambo y’abanyabgenge, Kand’ ushire umutima ku kumenya kwanje.

¹⁸N’ic’ umunezero ni wayabīka muri wewe, Agahora rwose mu kanwa kawe.

¹⁹Ndayakumenyesheje uyu musi, wewe ubgawe, Kugira ngw ivyizigiro vyawe bibe k’Uhoraho.

²⁰Mbega sinakwandikiye ivyiza Vyo kukugīra inama n’ivyo kumenya ubgenge,

²¹Nkakumenyesha neza amajambo y’ukuri, Kugira ng’usubirane inyuma amajambo y’ukuri ku bāgutumye?

²²Ntugasahure umugorwa kubg’ ubugorwa bgiwe, Kandi ntukanyikirize umurushwa mw ikombe.

²³Kuk’ Uhoraho azobabūranira, Abābanyaze azobanyaga ubugingo.

²⁴Ntugacudike n’ikirandamuke, Ntukagendane n’ikigārūke:

²⁵Woye gutora inzira ziwe, Ugatega ubugingo bgawe umutego.

²⁶Ntukabe mu gitigiri c’abishira mu ndahiro, Canke mu c’abigira ishinga y’imyenda:

²⁷Mbega ntuzi yuko ni wabura ico wishura Bazogutwara n’akariri uryamako?

²⁸Ntugashingūre akarimbi k’ urubibe rwa kera, Ba sogokuruza bashinze.

²⁹Ni wabona umuntu w’umunyamwete mu vyo akora, Ben’ uyo azokorera abami, Ntazokorera ba nyarucari.