Read Bibliya Yera 1951 Imigani 7 Bible Online

Imigani 7 - Bibliya Yera 1951 bible

Imigani 7

¹Mwana wanje, witondere amajambo yanje, Ubīke amabgirizwa yanje muri wewe.

²Witondere amabgirizwa yanje, ubone kubaho, Rinda ivyagezwe vyanje nk’ imbone y’ijisho.

³Bipfundike ku ntoke zawe, Uvyandike ku gisate, ni co mutima wawe.

⁴Ubarire ubgenge, ut’ Uri mushikanje; Kand’ ukumenya ukwite incuti:

⁵Kugira ngo bikurinde umugore w’icigenze, Mbere bikurinde umugore w’icigenze ahemanisha amagambo yiwe.

⁶Nari kw idirisha mu nzu yanje, Ndungurukira mu nshingo zaryo;

⁷Mbona mu mburabgenge, Nitegereza mu basore, Umusore w’igipfamutima,

⁸Aca mu nzira hafi y’inkokora y’inzu y’umugore ameze artyo, Anobanga mu nzira ija ku nzu yiwe;

⁹Hāri mu kagoroba, bugira bgire, Mu kajoro, buhwibiriye.

¹⁰Maz’ uno mugore aramusanganira, Yambaye nka kumwe kwa maraya, afise umutima w’ uburyarya.

¹¹N’inyeruzi, ntahetwa, Ibirenge vyiwe ntibiragama mu nzu;

¹²Hamwe aba mu nzira, ahandi akaba ahiyaguye, Abunda ku mahwane yose y’ inzira.

¹³Afata nya musore aramusoma, Amubarira ata dusoni mu maso,

¹⁴Ati Nari nsanzwe nkwiye gutanga ikimazi c’ishimwe: Non’ uyu musi nashikije ivyo nasezeranye.

¹⁵Ni co gitumye nza kugusanganira, Nkuronderana umwete, none ndakubonye.

¹⁶Nashashe imisego ku buriri bganje, N’impuzu z’amagarwe zajishwe mu nyuzi zo muri Egiputa.

¹⁷Namotesheje neza uburiri bganje Isenga n’imbazi na mudarasini.

¹⁸Ngwino turāreko buce, Twinezeranishe urukundo.

¹⁹Kuk’ umugabo atar’ i muhira, Yamaze urubanza rwa kure.

²⁰Yajanye umupfuko w’amahera; Azogaruka ukwezi gufashe.

²¹Amuryesharyeshakw akarimi keza, Amukwegesha guhemana kw’ iminwa yiwe.

²²Aca amukurikira ubgo nyene, Nk’inka ija kubāgwa, Canke nk’igipfu kijanwa guhanirwa mu munyororo;

²³Gushitsa ah’ umwampi umutobekeranije mu gitigu; Nk’ukw inyoni yisuka mu mutego, Itazi kw igiye gupfa.

²⁴None rero, bana banje, munyumve, Mutege amatwi amajambo y’ akanwa kanje.

²⁵Umutima wawe ntugakebereze mu nzira ziwe, Kandi woye kuzimira ng’ ujane inzira ziwe.

²⁶Kuko yatsinze hasi abakomerekejwe benshi, Mber’ abakomeye bishwe na we n’isinzi.

²⁷Inzu yiwe n’inzira ija i kuzimu, Imanuka irora i wabo w’urupfu.