Read Bibliya Yera 1951 Umusiguzi 6 Bible Online

Umusiguzi 6 - Bibliya Yera 1951 bible

Umusiguzi 6

¹Har’ ikibi nabonye musi y’izuba kiremereye abantu:

²n’ umuntu Imana yahaye itunga n’ ibintu n’icubahiro, bituma atabura ikintu na kimwe mu vyo umutima wiwe wokwifuje, maz’ Imana ntimuhe kubumbga na vyo, ariko bikazoribga na murundi; ivyo n’ ubusa, kandi n’ibara ribi.

³Umuntu naho yovyara abana ijana, akaramba imyaka myinshi, imisi y’imyaka yiwe ikaba myinshi, yamar’ umutima wiwe ntuhāzwe n’ivyiza, bitayeko ntahambge: kubganje arutwa n’inda yakorotse,

⁴kukw iziye ubusa, ikagenda mu mwiza, izina ryayo rikazimanganira mu mwiza;

⁵bitayeko ikaba itigeze kubona izuba canke kurimenya; iyo iraruhuka kurusha uyo:

⁶mbere naho yoba yararamvye imyaka ibihumbi bibiri: mbega bose itāhiriro si rimwe?

⁷Ubutame bgose bg’umuntu buterwa n’inda yiwe, yamara ntashira umuryarya.

⁸Non’ umunyabgenge arusha iki igipfu? Cank’ impahazwa izi kwitunganya imbere y’abariho biyimariye iki?

⁹Kubonesha amaso biruta kwangaza umutima: ivyo na vyo nyene n’ubusa, no guhahamira umuyaga.

¹⁰Icabayeho cose, izina ryaco caryiswe kera; birazwi umuntu ic’ ari co, kandi yukw adashobora kurwanya Iyimurusha ubushobozi.

¹¹Ko har’ ibintu vyinshi bigwiza ibitagira ikimazi, none vyungura umuntu iki?

¹²None ni nde yomenya ico umuntu akwiye mu kubaho kwiwe, imisi yose y’ ukubaho kwiwe kw’ubusa, amara ari nk’igitūtu? None ni nde yobarira umuntu ibizoba inyuma yiwe musi y’izuba?