Read Bibliya Yera 1951 Indirimbo ya Salomo 5 Bible Online

Indirimbo ya Salomo 5 - Bibliya Yera 1951 bible

Indirimbo ya Salomo 5

¹Ndashitse mu murima wanje, mushikanje, mugeni wanje. Nomoroye isenga yanje ku giti, navuvuye imibavu yanje, Nariye ibinyagu vyanje n’ ubūki bganje, Nanyoye vino yanje n’amata yanje. Ni murye, bagenzi, Ni munywe, mbere ni munywe muhimbishwe n’ urukundo.

²Nari nsinziriye, arik’ umutima wanje uri maso: Numva ijwi ry’umukunzi wanje aramutsa, Ati Nyugururira, mushikanje, mukunzi wanje, inanuma wanje, mwiza wanje utagira agasembga; Kuk’ umutwe wanje utonzweko n’urume, N’umushatsi wanje utonzweko n’udutonyanga tw’ ijoro.

³Nti Ko nambuye umwambaro wanje: nowambara nte? Nkaba niyoze ibirenge: novyanduza nte?

⁴Umukunzi wanje acisha ukuboko mu mwenge w’urugi, Umutima wanje wuzura ikigumbagumba kubgiwe.

⁵Ndavyuka kwugururira uwo mukunzi wanje; Ibiganza vyanje bitonyangakw isenga, N’intoke zanje zitonyangakw isenga iyaze, Itonyangira ku bihindizo vy’ urugi.

⁶Maze nugururira umukunzi wanje; Ariko nsanga uwo mukunzi wanje yīgīriye, yāhise: Umutima wanje ucoberezwa n’ivyo yavuze. Ndamurondera, sinamubona; Ndamuhamagara, ntiyanyitaba.

⁷Duhūra n’abashibamyi bagendura igisagara, Barankubita, barankomeretsa; Abarinzi b’inzitiro z’igisagara bankiza umwitwikiro wanje.

⁸Ndabihanikirije, mwa bakobga b’i Yerusalemu mwe, ni mwambonera umukunzi wanje, Mumumbgirire yuk’ urukundo runshābije.

⁹Umukunzi wawe mbeg’ arusha iki abakunzi b’abandi, Yewe urusha abandi bagore akaranga? Umukunzi wawe arusha iki abakunzi b’abandi, Igituma utwihanikiriza urtyo?

¹⁰Umukunzi wanje ar’ inzobe y’ikimuri, agenderana amaraso mu maso, N’akarangabgami mu bantu ibihumbi cumi.

¹¹Umutwe wiwe ni nk’izahabu nziza cane, Umushatsi wiwe n’intunda, wirabura nk’igikōna.

¹²Amaso yiwe ameze nk’inuma ziri ku migezi, Artyorowe n’amata, kand’ ari mu bibanza vyayo neza.

¹³Mu misaya yiwe hameze nk’ akarima k’imbazi gatāmirana cane, Iminwa yiwe imeze nk’ibirungu, itonyanga isenga iyaze.

¹⁴Intoke ziwe n’utuyogoyogo tw’izahabu zashizwek’ utubuyenge twitwa tarushishi, Umutumba wiwe umeze nk’ ihembe ry’inzovu ryabājwe, ryadombagijwek’ utwitwa safiro.

¹⁵Amaguru yiwe ameze nk’ inkingi zabājwe mu mabuye yitwa marimari, zashinzwe mu dutereko tw’izahabu nziza. Ukw ameze asa n’i Lebanoni, ni mwiza bihebuje, nk’ ibiti vy’amasederi.

¹⁶Akanwa kiwe kavamw’ amajambo aryoshe: mbere wese n’uw’ igikundiro. Uwo ni we mukunzi wanje, ni we mugenzi wanje, Yemwe bakobga b’i Yerusalemu.