Read Bibliya Yera 1951 Indirimbo ya Salomo 6 Bible Online

Indirimbo ya Salomo 6 - Bibliya Yera 1951 bible

Indirimbo ya Salomo 6

¹Umukunzi wawe yaroye hehe, Yewe urusha abandi bagore akaranga? Umukunzi wawe yakebereje hehe, Ngo tumurondere dufatanije nawe?

²Umukunzi wanje yamanutse aja mu murima wiwe, mu turima tw’imbazi, Kuragira mu matongo, no guca ibirungu.

³Nd’ uw’ umukunzi wanje, umukunzi wanje na we n’uwanje: Aragira mu birungu.

⁴Ewe mukunzi wanje, uri mwiza nk’i Tirusa, Uteye igomwe nk’i Yerusalemu, Uteye ubgoba nk’igitero c’ ingabo zigendana amabendera.

⁵Enda se n’unkūrekw amaso yawe, Kuko bindandura umutima. Umushatsi wawe umeze nk’ umukuku w’impene Zivyagiye ku nkēngēra y’i Gileyadi.

⁶Amenyo yawe n’akāmenge nk’umukuku w’intama Zivuye kwuhagirwa, Zifise amahasa zose, Ata n’imwe muri zo yagumbashe.

⁷Mu misaya yawe hameze nk’igisate c’ikomamanga, Iboneka mu mwitwikiro wawe.

⁸Har’ abamikazi mirongwitandatu, n’incoreke mirongumunani, N’abigeme batoharūrika.

⁹Ariko inanuma wanje we atagira agasembga, ni we wanje wenyene, N’ikinege kuri nyina; N’umutoni kuri nyina yamuvyaye. Abakobga iyo bamubonye bamwita umuhirwe, Mbere n’abamikazi n’incoreke na bo n’uko, baramutazira.

¹⁰Uyu ni nde arunguruka ameze nk’umutwenzi utambitse, Ni mwiza nk’ukwezi, Akayangana nk’izuba, Ateye ubgoba nk’igitero c’ ingabo zigendana amabendera?

¹¹Naramanutse nja mu murima w’ibiyōba, Ngo ndābe ibironge bitotahaye vyo mu mwonga, Ndābe yuk’ umuzabibu upfunditse, N’amakomamanga kw ashuritse.

¹²Ntarabimenya, umutima wanje wanshikanye Mu mikogote ikwegwa n’ amafarasi y’abantu banje b’intōre.

¹³Garuka, garuka, Mushulamukazi we! Garuka, garuka, ngo tukwitegereze. Mugombera iki kwitegereza Umushulamukazi, Nk’uko mwokwitegereza abiyeretsi b’i Mahanayimu?