Read Bibliya Yera 1951 Indirimbo ya Salomo 7 Bible Online

Indirimbo ya Salomo 7 - Bibliya Yera 1951 bible

Indirimbo ya Salomo 7

¹Ewe kuntu uturenge twawe ari twiza mu nkweto zawe, ga mukobga w’umwami! Amatako yawe ameze nk’ utugenegene tw’utubuyenge Twabājwe n’intoke z’umuhinga.

²Umukondo wawe umeze nk’ agakombe kiburungushuye, Kataburamwo vino ituriranije. Iboco ryawe risa n’ikibeya c’ingano Gikikijwe ibirungu.

³Amabere yawe yompi ameze nk’ivyagazi bibiri Vy’amahasa y’ingeregere.

⁴Izosi ryawe rimeze nk’umunara wubakishijwe amahembe y’inzovu; Amaso yawe asa n’ibidengeri vy’i Heshiboni, biri kw irembo ry’i Bati‐Rabimu; Izuru ryawe rimeze nk’umunara w’i Lebanoni, Irābana n’i Damasiko.

⁵Umutwe wawe wemye nk’i Karumeli, Umushatsi wo ku mutwe wawe umeze nk’impuzu y’inyambarabami; Umwami n’imbohe y’ibitsibo vyawo vyamuciye agatēte.

⁶Ewe kuntu uri mwiza kand’ uteye igomwe, Yewe uwo nkunda ukampimbara!

⁷Uburebure bgawe buri hano ni nk’ikigazi, N’amabere yawe ameze nk’ imisoko yo kuri co.

⁸Naravuze, nti Hinge nūrire ico kigazi, Mfate amashami yaco: Amabere yawe n’abe nk’ inzabibu zo ku muzabibu, Ubgaku bg’impwemu zawe bumote nk’amacungwa;

⁹N’akanwa kawe kamere nka vino irushirije kuba nziza, Ishōka neza ica mu minwa y’abasinziriye.

¹⁰Nd’ uw’ umukunzi wanje, Na we ndamuteye igomwe.

¹¹Ngwino mukunzi wanje, dusohoke tuje ku gahinga, Twake indāro mu mihana.

¹²Tuzinduke mu mirima y’imizabibu, Turābe kw imizabibu ipfunditse, canke kw amashurwe yayo asambuye, N’amakomamanga kw ashuritse; Aho ni ho nzokwerekera urukundo ngufitiye.

¹³Amadudayimu aratāmirana; Kw irembo ryacu har’ ivyamye vy’igiciro vy’imyuga myinshi, bisha bo n’ivya kera, Ivyo nakuziganirije, ewe mukunzi wanje.