Read Bibliya Yera 1951 Yesaya 15 Bible Online

Yesaya 15 - Bibliya Yera 1951 bible

Yesaya 15

¹Imbūri yo kuri Mowabu: kuko mw ijoro rimwe ahitwa Ari‐Mowabu hageseye, hakomvomvowe; kuko mw ijoro rimwe ahitwa Kiri‐Mowabu hageseye, hakomvomvowe!

²Umukobga w’i Diboni aradūze, aja mu bitabo kuririrayo; Abanyamowabu bariko baraborogera i Nebo n’i Medeba: imitwe yabo yose imowe inkomvorera, bo n’ubganwa bgose.

³Bagenda mu nzira zabo bacoceye amagunira; hejuru ku nzu zabo no ku nama umuntu wese araboroga, yiyuha iryosozi.

⁴I Heshiboni harataka bo n’i Eleyale; mber’ amajwi yabo ashika n’i Yahazi; ni co gituma ingabo z’i Mowabu ziboroga, imitima yabo ikaja mu gatengo.

⁵Umutima wanje uririra Mowabu; impunzi zaho zahungiye i Sowari n’i Egilati‐shelishiya; ahadūga haja i Luhiti ni ho badūga barira ingenda; no mu nzira ija i Horonayimu ni ho batakira ugutaka kw’ubgihebe.

⁶Kukw amazi y’i Nimurimu azokama, ubgatsi bgaho buzokwuma, ubgatsi butotahaye bubure, ntihazomera ikintu na kimwe kibisi.

⁷Ni co kizotuma ibintu bari barīronkeye n’ ivyo bari barabītse babijana ku mugezi w’ibiti vyitwa arabimu.

⁸Kuk’ ugutaka gukikije ku mbibe z’i Mowabu, amaborogo yaho agashika muri Egulayimu, mber’ ayo maborogo agashika n’i Beri‐elimu.

⁹Kukw amazi y’i Dimoni yuzuye ibitenga vy’amaraso; kandi nzokwongera guteza i Dimoni ibindi vyago, abacitse b’i Mowabu n’amasigarira y’ico gihugu nzobatēza intambge.