Read Bibliya Yera 1951 Yesaya 18 Bible Online

Yesaya 18 - Bibliya Yera 1951 bible

Yesaya 18

¹Ewe wa gihugu c’amababa ahinda, kiri hakurya y’inzūzi za Etiyopiya,

²gituma intumwa zica mu kiyaga zigenda ku mazi ku bitebo vy’inkorogoto, kiti Ni mugende mwa ntumwa z’impayamaguru, muje mw ihanga ry’ abantu barebare b’imibiri iyagayaga, ubgoko bgamye butera ubgoba uhereye ubga mbere ugashitsa n’ubu; ihanga rikomeye risiribanga vyose, ryo mu gihugu kigabanijwe n’inzūzi.

³Yemwe ababa mw isi mwese, yemwe abagandagaje mw isi, ni mwabona ibendera imanitswe ku misozi miremire, muze mwiyubare, kand’ inzamba ni yavuga, muze mwumvirize.

⁴Kuk’ ukw ari k’Uhoraho yambariye, ati Nzokwinumira, nitegereze ndi mu buruhukiro bganje, mmere nk’indugumba irimw’ ibikēke iy’ izuba ryatse, mmere nk’igipfungu c’urume mu ndugumba yo mw iyimbura.

⁵Kukw iyimbura ritaragera, ishurwe rihunguye, uruzabibu rutanguye kubūndūra, udushami tujondajonda azodukereza urukero,[6] n’amashami agasaye azoyaca ayakūreho.

⁶Bazocurikirana hamwe babe ab’ ibisīga vy’amero vyo ku misozi miremire, n’ibikōko vyo mw isi: ivyo bisīga vy’amero bizobamarakw ici, n’ibikōko vyo mw isi bizobamarakw agatāsi.

⁷Ico gihe Uhoraho Nyen’ ingabo azoshikanirwa ishikanwa n’ubgo bgoko bg’abantu barebare b’umubiri uyagayaga, ubgoko bgamye butera ubgoba uhereye ubga mbere ugashitsa n’ ubu; ihanga rikomeye risiribanga vyose, ryo mu gihugu kigabanijwe n’inzūzi; iryo shikanwa rizoshikanirwa ahantu h’izina ry’Uhoraho Nyen’ ingabo, ni ho ku musozi Siyoni.