Read Bibliya Yera 1951 Yesaya 20 Bible Online

Yesaya 20 - Bibliya Yera 1951 bible

Yesaya 20

¹Umwaka Taritani yatereyemw’ ahitwa Ashidodi, agomowe na Sarigoni umwami w’i Ashuri, akaharwanya akahatsinda,

²ico gihe ni ho Uhoraho yavugiye muri Yesaya mwene Amosi, aramubgira, ati Genda ukenyurure igunira ukenyeye mu nda, ukūre n’inkweto mu birenge vyawe. Abigenza artyo, agenda yambaye ubusa, atagira n’inkweto.

³Maz’ Uhoraho aravuga, ati Nk’uk’ umusavyi wanje Yesaya amaze imyaka itatu agenda yambaye ubusa atagira n’inkweto, akabera Egiputa na Etiyopiya ikimenyetso n’imbūri;

⁴uko ni k’umwami w’i Ashuri azojana abo muri Egiputa ar’ inyagano, n’abangajwe bo muri Etiyopiya, abato n’abakuru, bazogenda bambaye ubusa batagira n’ inkweto, n’amatako yabo ar’ ubusa, bimāramāze Egiputa.

⁵Kandi bazokwihebura bamāramāre, kubga Etiyopiya bari bizigiye, no kubga Egiputa birātana.

⁶Kur’ uwo musi ababa mur’ iki kiyaya c’ikiyaga bazovuga, bat’ Eh’ ivyo twizigira ingene bibaye, tukahaziga ko twohahungiye, bikadutabara ngo dukire umwami w’i Ashuri! None twebge tweho tuzokwikiza dute?