Read Bibliya Yera 1951 Yesaya 46 Bible Online

Yesaya 46 - Bibliya Yera 1951 bible

Yesaya 46

¹Beli irarundutse, Nebo irubamye; ibishushanyo vyazo biremētswe ingamiya n’inka; bimwe mwarerura mushogamanga bicitse umutwaro ugenda uravuna inka.

²Izo mana zirubamye zirundukiye hamwe; ntizashoboye kurokora uwo mutwaro, ariko na zo ubgazo zagiye ar’ inyagano.

³Ni munyumve, yemwe ab’ inzu ya Yakobo, mwa masigarira yo mu nzu ya Isirayeli mwese, abo nateruye uhereye mukivuka, nkabaheka mukiva mu nda;

⁴nzobageza no mu zabukuru ndi We, muzorinda musēsa imvi nkibaheka: ni jewe naremye, ni jewe nzoheka; mbere nzobaterura, mbarokore.

⁵None rero mwongereranya na nde twongana? Kandi mwonshushanya na nde twosa?

⁶Basukanura izahabu mu mupfuko, bagera ifeza ku munzane, bagaha umucuzi w’izahabu ingero, akabicuramw’ imana; bakayīkubita imbere bakayisenga.

⁷Maze bakayishira ku bitugu bakayirerura, bakayishinga mu kibanza cayo, igahagararaho ntisegenye; mbere nah’ umuntu yoyitakambira, ntiyoshobora kumwishura, canke ngw imukize amagorwa yiwe.

⁸Ni mwibuke ivyo, muvyiyumvire: mwongere muvyibuke, mwa bagarariji.

⁹Mwibuke ivyabanje kubaho kera; kukw ari jewe Mana, ata yindi; ni jewe Mana, nta yindi duhwanye.

¹⁰Mpēra kw itanguriro nkavuga ivy’ iherezo, ngahēra no mu bihe vya kera nkavuga ibitaraba; nkavuga nt’ Imigabo yanje izohama, kand’ ivyo nzogomba vyose nzobishitsa.

¹¹Nzohamagara igisīga caromoye kive i burasirazuba, ni co muntu afise imigabo yanje, ava mu gihugu ca kure. Narabivuze; no kubishitsa nzobishitsa; narabigabiye, no kubikora nzobikora.

¹²Ni munyumve, yemwe ab’ imitima ikomantaye, abari kure y’ukugororoka:

¹³nīgije hafi ukugororoka kwanje, ntikuzoba kure; n’agakiza kanje ntikazotebagana; kandi nzoshira ako gakiza i Siyoni kubga Isirayeli, ni we cubahiro canje.