Read Bibliya Yera 1951 Yesaya 64 Bible Online

Yesaya 64 - Bibliya Yera 1951 bible

Yesaya 64

¹Icompa ugasatura ijuru ukamanuka, imisozi igahindira agashitsi imbere yawe,

²bikaba nk’uk’ umuriro ufata inyabara, kandi nk’uk’ umuriro ubiza amazi: kugira ngw izina ryawe rimenyekane mu bansi bawe, amahanga ahindire agashitsi imbere yawe.

³Aho wakora ibiteye ubgoba tutīteze, waramanutse, imisozi ihindira agashitsi imbere yawe.

⁴Kuk’ uhereye kera hose ata ho abantu bīgeze kwumva, canke ngo bibagwe mu matwi, canke ngo baboneshe amaso iyindi mana igira ico imarira abayīteze atari wewe.

⁵Usanganira ūnezererwa gukora ivy’ ukugororoka, n’abagendera mu nzira zawe bakwibuka; ariko wararatse, kuko twakoze ivyaha, mbere tubimazemw’ igihe kirekire; mbega, none twoba tugikizwa?

⁶Kuko twese twahindutse nk’ibihumane, kand’ ukugororoka kwacu kwose kumeze nk’impuzu yanduye; twese dukabiranye nk’ikibabi, kand’ ibigabitanyo vyacu bidukubeba nk’ umuyaga.

⁷Kandi nta n’umwe yambaza izina ryawe, nta wuruha yinanata ngo yimatanye nawe; kuko waduhishije mu nyonga hawe, ukaduhebera mu bigabitanyo vyacu.

⁸Ariko noneho, Uhoraho, uri Data wa twese; tur’ ibumba, nawe ur’ umubumvyi wacu; twese tur’ igikorwa c’ intoke zawe.

⁹Uhoraho, reka kuraka cane birenze urugero, ntiwame wibuka ibigabitanyo vyacu ibihe vyose; ni witegereze se turakwinginze, twese tur’ abantu bawe.

¹⁰Ibisagara vyawe vyera vyacitse ubugaragwa, i Siyoni hacitse ubugaragwa, i Yerusalemu hacitse amatongo.

¹¹Inzu yacu yera nziza, iyo ba sogokuruza bacu bāguhimbarizamwo, yaraturiwe; n’ ibintu vyacu vyose vyāduhimbara vyārononekaye.

¹²Ewe Uhoraho, mbeg’ uzokwiyumanganya, kandi bimeze birtyo? Upfe kwiyumya, kand’ utubabaje birengeje urugero?