Read Bibliya Yera 1951 Abalewi 18 Bible Online

Abalewi 18 - Bibliya Yera 1951 bible

Abalewi 18

¹Uhoraho abarira Mose,

²ati Barira Abisirayeli, uti Ni we Uhoraho, Imana yanyu.

³Uti Ntimuze mukore nk’ivyo abo mu gihugu ca Egiputa bakora, abo mwahora mubamwo; kandi ntimuze mukore nk’ivyo abo mu gihugu c’i Kanani bakora, iy’ abajanye kuba: ntimuze mukurikire amabgirizwa yabo.

⁴Ut’ Ivyagezwe vyiwe az’ abe ari vyo mwumvira, n’amabgirizwa yiwe az’ abe ari yo mwitondera, mubigenderemwo: uti Ni we Uhoraho Imana yanyu.

⁵Uti Nuko muze mwitondere amabgirizwa yiwe, n’ivyagezwe vyiwe; umuntu azokora ivyo, ni vyo bizomubeshaho: nd’ Uhoraho.

⁶Ntihaze hagire uwo muri mwebge yēgēra uwo mu nzu yo hafi, ngw amwambike ubusa: nd’ Uhoraho.

⁷Ntihaze hagire uwambika ubusa nyina, ni kwo kwambika ubusa se: uwo ni nyina, ntaz’ amwambike ubusa.

⁸Ntihaze hagire uwambika ubusa muka se; kukw ar’ ubgambure bga se.

⁹Ntihaze hagire uwambika ubusa mushiki we, ar’ uwo basangiye se canke nyina, ar’ uwo bavukana cank’ ar’ umuzanano: ntihaze hagire ūmwambika ubusa.

¹⁰Ntihaze hagire uwambika ubusa umwuzukuru wo ku muhungu wiwe canke wo ku mukobga, kuk’ ubgambure bgabo ari bgo bgiwe.

¹¹Ntihaze hagire uwambika ubusa umukobga wa muka se, basangiye se: uwo ni mushikiwe, ntaz’ amwambike ubusa.

¹²Ntihaze hagire uwambika ubusa inasenge, kukw avukana na se.

¹³Ntihaze hagire uwambika ubusa nyinabo, kukw avukana na nyina.

¹⁴Ntihaze hagire uwambika ubusa se wabo, ngo yegere umugore wiwe, kukw ari nka nyina.

¹⁵Ntihaze hagire uwambika ubusa umukazana wiwe: uwo n’umugore w’ umuhungu wiwe, ntihaze hagire ūmwambika ubusa.

¹⁶Ntihaze hagire uwambika ubusa muramu we: kuk’ ubgambure bgiwe ar’ ubg’ uwo bavukana.

¹⁷Ntihaze hagire uwambika ubusa umugore n’umukobga wiwe, canke ngo yābīre umwuzukuru wo ku muhungu w’uwo mugore, cank’ uwo ku mukobga wiwe, ngw amwambike ubusa: kukw ar’ abo mu nda yiwe; ico n’icaha gikomeye.

¹⁸Ntihaze hagire ūharika umugore uwo bavukana, ngw abe umukēba wiwe, ngw amwambike ubusa uwo bavukana akiriho.

¹⁹Ntihaze hagire uwegera umugore ngw amwambike ubusa, akiri mu muhango wiwe.

²⁰Ntihaze hagire ūsambana na muka mugenzi we, ngo yiyanduze kubgiwe.

²¹Kandi ntihaze hagire ūtanga uwo mu bana biwe ngo yoserezwe Moleki[9] kw ikimazi, ngw atukishe izina ryanje, Imana yiwe: nd’ Uhoraho.

²²Ntihaze hagire umugabo yenda uwundi mugabo bga mugore: n’ikizira.

²³Ntihaze hagire ūryamana n’igitungano ic’ ari co cose, ngw aciyandurishe; kandi ntihaze hagire umugore cank’ umukobga ahagarara imbere y’igitungano ngw aryamane na co: ivyo vyoba ar’ukuvanga ibidahwanye.

²⁴Ntimuze mugire ico mwiyandurisha na kimwe mur’ ivyo vyose; kukw ivyo vyose ari vyo vyanduje amahanga ngira nze nirukane imbere yanyu,

²⁵bikanduza n’igihugu cabo; ni co gituma ngira ngihōre ibigabitanyo vyaco, ico gihugu kikahava kidahwa abakibamwo.

²⁶Nuko rero mweho muze mwitondere amabgirizwa yanje n’ivyagezwe vyanje, ntimuze mugire ikizira na kimwe co mur’ ivyo mukora, naho yoba imvukira, cank’ umunyamahanga aba muri mwebge.

²⁷Kukw ivyo bizira vyose ben’ ico gihugu babatanguriye kuhaba ari vyo bakoze, bikanduza ico gihugu.

²⁸Ntimuze mubikore, ngw ico gihugu kibadahwe namwe, ni mwacanduza, nk’uko cadashwe rya hanga ryabatanguriye kuhaba.

²⁹Kuk’ umuntu wese azogira ico akora na kimwe mur’ ivyo vyose bizira, abazobikora bose bazorandurwa bakūrwe mu bgoko bgabo.

³⁰Ni co gituma mukwiye kwitondera ivyo mbihanikirije, kugira ngo ntimuze mugire n’umwe mur’ iyo migenzo izira mukora, yakorwa n’ababatanguriye kuhaba, ngo muyiyandurishe: nd’ Uhoraho Imana yanyu.