Read Bibliya Yera 1951 Yeremiya 42 Bible Online

Yeremiya 42 - Bibliya Yera 1951 bible

Yeremiya 42

¹Maz’ abagabisha b’ingabo bose, na Yohanani mwene Kareya, na Yezaniya mwene Hoshaya, n’abantu bose uhereye ku boroshe ugashitsa ku bahambaye,

²bēgēra uwavugishwa n’Imana Yeremiya, bati Turakwinginze, emera ico tugusaba, udusengere k’Uhoraho Imana yawe, twebge aya masigarira twese; kuko dusigaye turi bake twahora turi benshi, nk’uko nawe utwibonera:

³kugira ng’ Uhoraho Imana yawe atwereke uko dukwiye kugenza n’ico dukwiye gukora.

⁴Nuk’ uwavugishwa n’Imana Yeremiya arabishura, at’ Ego ndumvise; ngiye kubasengera k’Uhoraho Imana yanyu nk’uko muvuze: maz’ ico Uhoraho azonyishura cose nzokibabarira; sinzogira ico mbahisha.

⁵Bishura Yeremiya, bat’ Uhoraho n’atubere icabona c’ ukuri c’ukwizigirwa, ni tutākora nk’ukw ijambo ryose rimeze, iryo Uhoraho Imana yawe azokudutumako.

⁶Ar’ ivyiza ar’ ibibi, ntituzobura kwumvira Uhoraho Imana yacu, uwo tugutumyeko; kugira ngo tuze tubone kuroranirwa ni twumvira Uhoraho Imana yacu.

⁷Nukw imisi cumi ihise, ijambo ry’Uhoraho riza kuri Yeremiya.

⁸Ahamagara Yohanani mwene Kareya, n’abagabisha b’ingabo bose bāri kumwe na we, n’abantu bose uhereye ku boroshe ugashitsa ku bahambaye,

⁹arababarira, at’ Uku ni k’Uhoraho agize, ni we Mana y’Abisirayeli, uwo mwantumyeko kumushikiriza ivyo mwasavye:

¹⁰ati Ni mwakomeza kuguma mur’ iki gihugu, azobubaka, ntazobasambura; azobatēragira, ntazobarandura: ngo Kuko yigaruye mu vyago yabateje.

¹¹Ngo Reka gutinya umwami w’i Babuloni, uwo mutinya uwo; ntimumutinye, ni k’Uhoraho agize; ngo Kukw ari kumwe namwe ngw abakize, abarokore abakūre mu kuboko kwiwe.

¹²Ngw Azobaha kumutera akagongwe, kugira ngw abagirire imbabazi, abasubize mu gihugu canyu bgite.

¹³Ngw Ariko ni mwavuga, muti Ntitukigomba kuba mur’ iki gihugu; bigatuma mutamwumvira, ari we Uhoraho Imana yanyu,

¹⁴mukavuga, mut’ Oya, ariko tugomba kuja mu gihugu ca Egiputa, aho tutazobona intambara, canke ngo twumve ijwi ry’inzamba, canke ngo tubure indya; abe ari ho tuba:

¹⁵none rero gira mwumve ijambo ry’Uhoraho, mwebge amasigarira y’i Buyuda: uku ni k’Uhoraho Nyen’ ingabo agize, ni we Mana y’Abisirayeli, ati Ni mwerekeza amaso rwose muri Egiputa, ngw abe ari yo muja kuba;

¹⁶nukw inkota mutinya izobahamvyayo, mu gihugu ca Egiputa, n’inzara mutinya izobakurikirana no muri Egiputa; kandi ni yo muzogwa.

¹⁷Ni ko bizomerera abantu bose berekeza amaso kuja muri Egiputa ngo babeyo; bazokwicwa n’inkota n’inzara n’ikīza; ngo Kandi nta n’umwe muri bo azosigara canke ngo yikize ivyago azobatēza.

¹⁸Kuk’ ukw ari k’Uhoraho Nyen’ ingabo agize, ni we Mana y’Abisirayeli, ngo Nk’uk’ uburake bgiwe n’ubushangashirwe bgiwe vyasutswe ku baba i Yerusalemu, ni k’ubushangashirwe bgiwe buzosukwa kuri mwebge ni mwaja muri Egiputa; ngo Muzoba igitutsi n’ akajoreza n’ikivume n’iciro ry’ imigani: ngo Kandi ntimuzosubira kubona aha hantu.

¹⁹Uhoraho yavuze kuri mwebge, mwa masigarira y’i Buyuda, ngo Ntimukaje muri Egiputa: mumenye mudakekeranya yuko mbibashingiye intahe uyu musi.

²⁰Erega mwāhenze imitima yanyu ubganyu, kuko mwantumye k’Uhoraho Imana yanyu, ngo Ni mbasengere k’Uhoraho Imana yanyu, ngw Ivyo Uhoraho Imana yanyu azovuga vyose ngo Ndabibabarire, ngo Namwe muzobikora:

²¹non’ uyu musi ndabibabariye, ariko mwebge ntimwumviye Uhoraho Imana yanyu mu kintu na kimwe mu vyo yabantumyeko.

²²None rero ni mumenye mudakekeranya yuko muzokwicirwa n’inkota n’ inzara n’ikīza, aho hantu aho mwifuza kuja kuba.