Read Bibliya Yera 1951 Yeremiya 45 Bible Online

Yeremiya 45 - Bibliya Yera 1951 bible

Yeremiya 45

¹Ijambo uwavugishwa n’Imana Yeremiya yabariye Baruki mwene Neriya, igihe yandika ya majambo mu gitabo, ayakūye mu kanwa ka Yeremiya, mu mwaka ugira kane Yehoyakimu mwene Yosiya umwami w’Abayuda ari ku ngoma,

²at’ Uku ni k’Uhoraho akubariye, ni we Mana y’Abisirayeli, wewe Baruki:

³ati Wavuze, uti Mbonye ibara, kuk’ Uhoraho yongereje intuntu ku mubabaro wanje! Kuniha kurandambiye, simbona akaruhuko.

⁴Uku abe ari k’umubarira, ut’ Uku ni k’Uhoraho agize, ngo Rāba, ico yubatse azogisambura, kand’ ico yatēragiye azokirandura: azokora artyo mu gihugu cose.

⁵Ngo Mbega nawe wironderera ubukuru? Ntuburondere. Kuko rāba, ngw Azozana ivyago ku bafise umubiri bose, ni k’Uhoraho agize; ariko weho ngw Azoguha gukirira ah’ uzoba ugiye hose.