Read Bibliya Yera 1951 EZEKIYELI 19 Bible Online

EZEKIYELI 19 - Bibliya Yera 1951 bible

EZEKIYELI 19

¹Ikindi, cura intimba uririre inda y’ingoma y’Abisirayeli,

²uti Nyoko yar’ iki? Yar’ intambge y’ingore: yigaramangira mu zindi ntambge, ikonkereza ibibunda vyayo hagati mu migunza y’ intambge.

³Kimwe mur’ ivyo bibunda vyayo ikireze, kiba umugunza w’intambge: nuko yiga guhīga, iromagira n’abantu.

⁴Maz’ amahanga yumva ivyayo, ikorokera mu cobo ayo mahanga yayimbiye: bayikwegesha ingōgo z’ivyuma, bayijana mu gihugu ca Egiputa.

⁵Maze nyina ibonye kw iyirorereye iyihebuye, ica yābīra ikindi co mu bibunda vyayo, igihindura umugunza w’intambge.

⁶Nuko kigendagenda mu zindi ntambge, kiba umugunza w’intambge; yiga guhīga, iromagira n’abantu.

⁷Maz’ isangangura ingoro zabo, itikiza ibisagara vyabo; igihugu cononekarana n’ibirimwo vyose, kubgo kwumva ukwivuga kwayo.

⁸Maz’ amahanga arayitera baturutse mu bihugu impande zose; bayita mu ruriba rwabo, ikorokera mu cobo bayimbiye.

⁹Bayishikana mu mpatane bayikwegesheje ingōgo z’ivyuma, bayishīra umwami w’i Babuloni; bayishira mu maboma, kugira ngw ijwi ryayo ntirize risubire kwumvikana ku misozi y’i Bgisirayeli.

¹⁰Nyoko yar’ ameze nk’umuzabibu, nk’uko nawe umeze, nk’ umuzabibu watewe hafi y’amazi, wama cane, ukagira amashami menshi, kubgo kuba ku mazi abugereye.

¹¹Kandi warikw ishami rinoze ryagizwe inkoni y’umwami y’ubugabe, yar’ inungereye hejuru hagati mu mashami yitwaye intunda, yaribonekeza hejuru n’udushorishori twayo twinshi.

¹²Arik’ uwo muzabibu waranduranywe uburake, utsindwa hasi, maz’ umuyaga uva i burasirazuba wumisha inzabibu zawo; rya shami ryawo rinoze rirahanyurwa rirakabirana, umuriro urariturira.

¹³Noneho watewe mu bugaragwa, mu gihugu cumye kigataye.

¹⁴Kand’ umuriro wavuye muri rya shami, uturira ayandi mashami yawo, n’inzabibu zawo, bituma ata shami rinoze ryo kuvamw’ inkoni y’ubugabe yo kuganzisha iwusigarako. Ayo majambo n’ay’ agacurantimba, kand’ azohora acurishwa intimba.