Read Bibliya Yera 1951 EZEKIYELI 23 Bible Online

EZEKIYELI 23 - Bibliya Yera 1951 bible

EZEKIYELI 23

²riti Mwana w’umuntu, habayeh’ abagore babiri basangiye nyina:

³maze basambanira muri Egiputa; bahēreye gusambana bakir’ inkumi; aho ni ho amabere yabo yakabakabiwe, amabere yabo yo mu bukumi bakayakorakora.

⁴Amazina yabo, umukuru yitwa Ohola, na murumuna we yitwa Oholiba: hanyuma ndabābīra, bacika abanje, bavyara abahungu n’abakobga. Ayo mazina yabo, Ohola ni we Samariya, na we Oholiba ni Yerusalemu.

⁵Maze, Ohola amaze kuba uwanje, acika maraya; kandi yagomwa abūzure biwe, ni bo Bashuri, ababanyi biwe;

⁶bose bār’ imisore iteye igomwe, bār’ abagabisha n’ abatware, bambaye impuzu z’ amasufe, bagendera ku mafarasi.

⁷Nukw abahurumbira nk’ikimaka, ni bo ntōre zose zo muri Ashuri, yiyanduza k’uwo yagomba wese no ku bigirwamana vyabo vyose.

⁸Kandi ntiyaretse ubumaka bgiwe yagize uhereye ari muri Egiputa; kuko mu buto bgiwe bāryamanye na we, bagakorakora ku mabere yo mu bukumi bgiwe, kandi bakamugwizak’ ubusambanyi bgabo.

⁹Ni co catumye ndamutanga mu maboko y’abūzure biwe, mu maboko y’Abashuri, abo yagomwa.

¹⁰Nukw abo batwikurura ibiteye isoni vyiwe; batwara abahungu biwe n’abakobga biwe, na we ubgiwe bamwicisha inkota: nuko kuko bāmuciriyekw iteka, ahinduka akābarore mu bagore.

¹¹Nuko murumuna we Oholiba abona ivyo, yamar’ amurusha kwihumanya mu kugenda agomwa kwiwe, ubumaka bgiwe buruta ubga mukuru we.

¹²Yagomwa Abashuri ni bo babanyi biwe, bār’ abagabisha n’abatware, bāri bambaye ibishajije rwose, bagendera ku mafarasi, bose ar’ imisore iteye igomwe.

¹³Nuko mbona ko yononekaye, kandi ko bompi barondetse mu nzira imwe.

¹⁴Mbere agwiza ubumaka bgiwe; kuko yitegereje abagabo bashushanijwe ku rusika, ibishushanyo vy’Abakaludaya bishushanijwe mw ibara ry’agahama,

¹⁵bakenyeje imikanda mu rukenyerero, bīteze ibitambara vy’amabara bitendera mu mitwe yabo, bose baboneka kw ar’ abo mu nda y’ingoma, basa n’ab’i Babuloni h’i Bukaludaya, igihugu c’amavuka yabo.

¹⁶Ako kanya abakubise amaso, aca arabagomwa, abatumakw intumwa i Bukaludaya.

¹⁷Maz’ ab’i Babuloni baraza, bamusanga ku buriri yabengukirwako, bamwononesha ubusambanyi bgabo, mbere ahumanywa na bo; hanyuma umutima wiwe urabazinukwa.

¹⁸Uko ni ko yagaragaje ubusambanyi bgiwe, agatwikurura ibiteye isoni vyiwe: nanje umutima wanje uca uramuzinukwa na we, nk’uko wazinutswe mukuru we.

¹⁹Yamara yakomeje kugwiza ubumaka bgiwe, yibuka imisi yo mu buto bgiwe, igihe yīgira maraya mu gihugu ca Egiputa.

²⁰Agomwa abasambanyi baho, bafise umubiri umeze nk’uw’ indogoba, bagashuha nk’ amafarasi.

²¹Uko ni ko wibukirije ubushakanyi bgo mu buto bgawe, igihe Abanyegiputa bakabakaba amabere yawe, bagakorakora ku mabere yo mu bukumi bgawe.

²²Nuko rero, yewe Oholiba, uku ni k’Umwami Uhoraho agize, ati Rāba, ngiye kukuvyukiriza ba būzure bawe, abo umutima wawe wazinutswe, mbazane kugutera baguturutse impande zose:

²³ni bo b’i Babuloni, n’Abakaludaya bose, n’ab’i Pekodi n’i Showa n’i Kowa, bo n’abo muri Ashuri bose; imisore iteye igomwe, abagabisha n’abatware bose, n’abaganwa n’ abantu ba rurangiranwa, bose bagendera ku mafarasi.

²⁴Nuko bazogutera bafise ibirwanishwa, n’imikogote y’intambara n’iyitwara ibintu, n’isinzi ry’amahanga; bazotonda urugamba bakurwanye, bagutangatanze impande zose, bafise inkinzo nto‐nto na nini‐nini n’inkofero z’ivyuma: kandi nzoshira imanza mu maboko yabo, bagucire urubanza, nk’ukw imanza zabo ziri.

²⁵Nzokurekurirakw ifuhe ryanje, na bo bazoguhanana inzigo; bazoguca amazuru n’ amatwi, kand’ amasigarira yawe azoririkwa n’inkota; bazotwara abahungu bawe n’abakobga bawe, maz’ amasigarira yawe azotikizwa n’umuriro.

²⁶Bazogukoba n’imyambaro yawe, bakwake n’utugenegene twawe twiza.

²⁷Uko ni ko nzozimiriza ubushakanyi bgawe, n’ubumaka bgawe wakūye mu gihugu ca Egiputa, woye no kuzosubira kubunamurirakw amaso canke no kuzokwibuka Egiputa ukundi.

²⁸Kuk’ ukw ari k’ Umwami Uhoraho agize, ati Rāba ngira nkugabure mu maboko y’ abo wanka, mu maboko y’abo umutima wawe wazinutswe;

²⁹na bo bazoguhanana urwanko, bakunyage ivyo waruhiye vyose, bagusige amēnya wambaye ubusa; kand’ ubgambure bg’ubumaka bgawe buzogaragazwa, ubushakanyi bgawe n’ubumaka bgawe vyompi.

³⁰Ivyo ni vyo uzogirirwa, kukw amahanga wayahurumbiye nk’ikimaka, ukanduzwa n’ibigirwamana vyayo.

³¹Watoye inzira ya mukurwawe, ni co gituma igikombe ciwe ngira ndagishire mu kuboko kwawe.

³²Uku ni k’Umwami Uhoraho agize, at’ Uzonywera ku gikombe ca mukurwawe, ni kirekire kandi ni kinini; uzoba agatwengo n’agashinyo: kand’ ico gikombe n’akamaramwaga.

³³Uzokwuzura ububorerwe n’ umubabaro, kukw ar’ igikombe c’ akajoreza gitera ibitongozi, ni co gikombe ca mukurwawe Samariya.

³⁴Uzokinywerako, ucīrāngūze, uhekenye n’ibibarara vyaco, witabagure ku mabere; kukw ari jewe mbivuze, ni k’Umwami Uhoraho agize.

³⁵None rero, uku ni k’ Umwami Uhoraho agize, ati Ko wanyibagiye, ukanshiburira inyuma yawe, ubushakanyi bgawe n’ ubumaka bgawe ni wewe biriko.

³⁶Uhoraho yongera kumbarira, ati Mwana w’umuntu, Ohola na Oholiba mbega ntiwobacira urubanza? Bamenyeshe rero ibizira vyabo.

³⁷Kuko basambanye, kand’ amaraso bavishije ari ku ntoke zabo; basambanye n’ibigirwamana vyabo; kandi n’abahungu babo bamvyariye babatanze kw ibimazi ngo boswe mu muriro, babashikaniye ivyo bigirwamana ngo bibarye.

³⁸Ikigeretseko bankoreye n’ikindi: kur’ uwo musi nyene bahumanije ahēra hanje, kandi bazirūye n’amasabato yanje.

³⁹Kuko bamaze kwica abana babo, babashikaniye ibigirwamana vyabo, kur’ uwo musi nyene baca baza ahēra hanje kuhahumanya: mber’ uko ni ko bakoze mu ngoro yanje.

⁴⁰Ubabgire, ut’ Ikigeretseko, mwatumye ku bagabo ba kure; na bo batumwekw intumwa baraza; muriyuhagira ngo mubarābikire, mwiraba amarangi mu maso, mwisakara utugenegene twanyu,

⁴¹mwicara ku musegamuro mutimbitse, har’ ameza agemetse imbere yawo, muyaterekakw imibavu yanje n’amavuta yanje ya elayo.

⁴²Maz’ urwamo rw’ishengero ryidibamiye rwahōga aho muri; kandi hamwe n’abantu ba nyarucari hazanywe n’ababorewe bavuye mu bugaragwa; babambika mwempi imiringa ku maboko, n’ibitsibo vyiza mu mitwe.

⁴³Maze mvuga ivy’ uwo asāziye mu busambanyi, nti N’ubu nyene bagiye kumusambanya, na we asambane na bo.

⁴⁴Bītera i we nk’abītera kwa maraya: uko ni ko bīteye kwa Ohola no kwa Oholiba, ba bashakanyikazi.

⁴⁵Kand’ abagororotsi ni bo bazobacira urubanza ruberanye n’abasambanyikazi, kandi ruberanye n’abagore b’abicanyi; kukw ar’ abasambanyikazi koko, kand’ amaraso bavishije ari ku ntoke zabo.

⁴⁶Kuk’ ukw ari k’Umwami Uhoraho agize, ati Nzobavyukiriza igitero, mbatange bateragiranwe hirya no hino kandi basahurwe.

⁴⁷Ico gitero kizobicisha amabuye, kibahindikiranishe inkota; cice n’abahungu babo n’abakobga babo, giturire n’amazu yabo.

⁴⁸Uko ni ko nzoca ubushakanyi mu gihugu, kugira ngw abagore bose bigishwe kudatora ubushakanyi bganyu.

⁴⁹Kandi bazobasubiriza mu nkōko ibikwiranye n’ubushakanyi bganyu, mugibgeko n’ivyaha vy’uko mwagize ibigirwamana; kandi muzomenya yuko jewe nd’ Umwami Uhoraho.